Тортинчоқлик психологияси

I. Машғулот /ўтказиш вақти: 2.5 соат/
Тренинг тури: Шахсни баркамоллаштиришга қаратилган тренинг
Тренинг мақсади: Шахсни психологик жиҳатдан баркамолликка эришиши, яъни ҳар қандай муаммоли вазиятда ҳам шахсни фақат ўзидан ёрдам олишга ўргатиш
Тренинг машғулоти:
1-Машқ. “Баркамол шахс тушунчаси билан танишиш” /30 минут/
Мақсад: Аналитик-синтезлаштирувчи машқ. Фикрларни мантиқий асослаш малакаларини шакллантириш. Ўз-ўзини баҳолаш, ўз-ўзини таҳлил қилишни ўргатиш.
Бажариладиган иш тартиби:
Тренингнинг ҳар бир қатнашчиси “Баркамол шахс” тушунчасини ойдинлаштиришга кўмак берадиган 10та ўз тасаввурларини, ғояларини бир вараққа ёзиб беради. Кейин иштирокчилар жуфтликларга ажралиб ўзаро монанд фикрларни ўчирадилар. Кейинчалик ушбу муолажа учликларда, бешликларда ва икки командага бўлинган ҳолда ҳам амалга оширади. Натижада “Баркамол шахс” тушунчасига ўзига хос оригинал тавсифлар қолдирилади.


2- Машқ. “Менинг рамзим” /30 минут/
Мақсад: Аналитик машқ. Самарали тинглаш кўникмасини, толерантликни оширишга қаратилган.
Бажариладиган иш тартиби:
Олиб борувчи турли фигуркаларни олиб келади. Иштирокчилар улар ичидан биттасини танлаб оладилар. Кейин қолган иштирокчиларга нима учун айнан шу фигуркани олганини, у нимаси билан ёққанини сўзлаб беради.


3-Машқ. “Менинг қўлимдан келмайди....” /30 минут/
Мақсад: Аналитик ва синтезлаштирувчи машқ. Гуруҳда ўзаро ишончли муносабатлар ўрнатишга, ўз-ўзини англаш имкониятларини оширишга мўлжалланган.
Бажариладиган иш тартиби:
Ҳар бир иштирокчи қўлини олдига узатиб “Менинг қўлимдан келмайди: ..” деб ўз қўлидан келмайдиган ишларни, бармоқларини букиб санайди. Гуруҳдагиларнинг яна бошқа бирига мазкур нарса хос бўлса у ҳам бармоғини букиши лозим. Ўйин барчанинг бармоқлари букилмагунча давом этади.


4-Машқ. “+” “-” сифатлар” / 30 минут/
Мақсад: Ўз нуқтаи назарини ҳимоя қилиш, гуруҳда ишлаш малакаларини ошириш, креативлик ва толерантликни ривожлантириш.
Бажариладиган иш тартиби:
Бирон бир сифатнинг ижобий ва салбий томонларини топиш таклиф этилади. Гуруҳ иккига бўлинади. Биринчи гуруҳ мазкур сифатнинг ижобий томонларини ёқласа, иккинчи гуруҳ аъзолари мазкур сифатнинг салбий томонларини ёқлайди. Баҳс-мунозара давомида ҳар бир сифатнинг ҳам салбий, ҳам ижобий томонлари мавжудлигини эътироф этилади.