Тошкент давлат аграр университети томорқа сабзавотчилиги

УРУҒЛАРНИ ЭКИШ ВА КЎЧАТЛАРНИ ЎТҚАЗИШ
КАЛЕНДАРЬ
Январь
Февраль
Мар
т
Апре
ль
Май
Июнь
Ию
ль
Авгу
ст
Сентябрь
Октябрь
Ноябрь
Д
екабрь
- Уруғлар очиқ майдонга апрель 
ойи охирида экилади, совуқ 
вилоятларда усти плёнка билан 
ёпилади.
- эртаги ҳосил олиш учун 
уруғлар торф-чириндили 
тувакчаларга март ойи охирида 
экилади, кўчатлар май ойи 
бошларида ўтқазилади.
Уруғни 
экиш 
Кўчат 
ўтқазиш
Ҳосилни 
йиғиб 
олиш
• Ҳар бир уя марказига 2-3 см чуқурликда 3 тадан уруғ экиб чиқинг. Устини ўр-
тасидан иккига бўлинган пластмасса бутилка билан беркитиб чиқинг. Майсалар 
униб чиқиб биринчи чинбарг чиқаргач энг бақувватини қолдириб, қолганини 
қирқиб ташланг.
• Кўчатидан етиштириш учун уруғлар бино ичида торф-чириндили тувакчаларга 
экилади. Майсалар униб чиққунча ҳарорат 200 дан юқори ҳолатда ушланади. 
Кўчатлар очиқ ерга ўтқазилишидан олдин чиниқтирилади.
ПАРВАРИШЛАШ
• Палак отиб ўсув навларда асосий поя 0,5 м узунликка етгач учи чилпиб қўйила-
ди. Шиллиққуртлар билан зарарланишнинг дастлабки белгилари намоён бўлса 
уларга қарши қумалоқлар такрорий сепилади.
• Ўсимлик атрофидаги тупроқ мунтазам мўл суғориб турилади. Сувнинг барг ёки 
пояга тушишига йўл қўймаслик лозим. 
• Ўсимликлар атрофи 2-3 марта юмшатилади ёки қора полиэтилен плёнка билан 
мулчалаб чиқилади.
• Об-ҳаво совуқ бўлиб, чанглатувчи ҳашаротлар кам бўлса, сунъий чанглантириш 
ўтказилади: яхши очилган эркак гули олиниб гул тожиси ташқарига қайрилади 
ва чангчилари эҳтиёткорлик билан урғочи гул тумшуқчасига тегизилади. Урғочи 
гул тагида жуда кичик тугунчаси борлиги билан эркак гуллардан фарқланади.
• Мевалар шакллана бошлаши билан ўсимликлар икки ҳафтада бир марта по-
мидор учун мўлжалланган ўғитлар билан озиқлантирилади. Палак отиб ўсувчи 
қовоқларда ҳар бир ўсимликда 2-3 тадан мева қолдирилади.

---

Cабзавотлар ва уларни етиштириш
79