Тошкент давлат аграр университети томорқа сабзавотчилиги

НАВЛАР
ДАЙТОНА F1. Ўртапишар Голландия дурагайи, ўсув даври техник пишиб етилгун-
ча 135 кун. Илдиз системаси кучли, шу сабабли қурғоқчил ҳудудларда ҳам етишти-
риш мумкин. Фузариоз ва чириш касалликларига чидамли, жуда яхши сақланади.
ЗАФАР. Ўртапишар нав, ўсув даври техник пишиб етилгунча 148 кун. Мева шакли 
юмалоқ, кўйлак қобиғи бинафшаранг, вазни 110–170 гр. Баҳорги ва қишки мавсум-
ларда экилади, юқори ҳосилдор, касалликларга чидамли.
СУМБУЛА. Эртапишар нав, ўсув даври техник пишиб етилгунча 110 кун. Пиёзбо-

---

Cабзавотлар ва уларни етиштириш
84
ши юмалоқ, ташқи қобиғи сариқ, вазни 100–125 гр. Қишки мавсумда экиш тавсия 
этилади. Юқори ҳосилдор, касалликларга чидамли.
УНИВЕРСО F1. Ўртача кечпишар Голландия дурагайи, ўсув даври техник пишиб 
етилгунча 125 кун. Меваси юмалоқ, ташқи қобиғи сариқ, вазни 110–180 гр. Фуза-
риоз ва чириш касалликларига чидамли. Пиёзбошлари 6 ойгача сақланади. 
ЛЕОНЕ. Ўртапишар Голландия дурагайи, ўсув даври техник пишиб етилгунча 114 
кун. Пиёзбоши юмалоқ, ташқи қобиғи сариқ, вазни 110–200 гр. Касалликларга чи-
дамли, яхши сақланади.
ИСПАНСКИЙ 313. Кечпишар нав, ўсув даври техник пишиб етилгунча 137–143 
кун. Пиёзбоши тухумсимон, қобиғининг ранги сариқ, вазни 65–150 гр. Яхши сақла-
нади. 
КАБА 132. Кечпишар, ўсув даври 120 кун. Пиёзбоши 29–35 гр., қобиғининг ранги 
сариқ. Нав ун-шудринг касаллигига чидамсиз.
КАРАТАЛСКИЙ. Эртапишар нав, ўсув даври 112 кун. Пиёзбоши юмалоқ, ташқи 
қобиғи сариқ, вазни 40 гр. атрофида.
МАРГЕЛАНСКИЙ УДЛИНЁННЫЙ МЕСТНЫЙ. Ўртача кечки нав, ўсув даври 115 
кун. Пиёзбоши чўзинчоқ тухумсимон, вазни 50 гр. Нав ун шудринг касаллигига чи-
дамли.
САМАРКАНДСКИЙ КРАСНЫЙ 172. Кечпишар, ўсув даври 135 кун. Пиёзбоши ясси 
юмалоқ, ташқи қобиғи сиёҳранг, вазни 45–50 гр. Нав ун шудринг касаллигига чи-
дамсиз.
МАНАС F1. Ўртапишар Голландия дурагайи, ўсув даври 120 кун. Пиёзбоши юма-
лоқ, ташқи қобиғи сариқ, вазни 140–180 гр. Ҳосилдорлиги юқори, фузариоз ва чи-
риш касалликларига чидамли, қишда яхши сақланади.
МУАММОЛАР
Пиёз етиштиришда пиёз пашшаси, нематода, чириш касалликлари ва фузариоз 
сўлиш кўп учраб турадиган муаммолардандир. Агар ерингизда аввалги йилларда 
пиёз пашшаси кўп учраган бўлса, у ҳолда пиёзни уруғидан эмас, балки нўшпиёздан 
етиштирганингиз мақсадга мувофиқдир. Фузариоз ва чириш касалликлари учраб 
турадиган майдонларга эса чидамли F1 дурагайлари экилади. Юқоридагилардан 
ташқари яна кўпгина касаллик ва зараркунандалар пиёз ҳосилига хавф солиши 
мумкин. Тупроқни тўғри танлай билиш ва агротехника талабларини меъёрида ба-
жариш орқали бу муаммоларни бартараф этиб, мўл пиёз ҳосили етиштириш мум-
кин.
1. ПИЁЗ ПАШШАСИ
Зарарланишнинг ўзига хос белгиси – эгилиб қолган сариқ барглар. Қуруқ 
ёз ўрталарида энг кучли зарарлайди. Личинкалар пиёз асосини йўл ҳосил 
қилиб ейди; ёш пиёзлар одатда нобуд бўлади, йириклари эса деформа-
цияга учрайди.