Тошкент давлат педагогика университети бобожонов исломбек усмоналиевич

3- жадвал
Тошкент шаҳар маҳаллаларининг 2014 ва 2017 йилларда маънавий-маърифий масалалар юзасидан амалга оширган ишларининг туманлар кесимидаги ҳисоботи⁴

№	Тошкент шаҳар туманлари	Маънавий-маърифий тадбирлар сони
		2014	2017
1.	Бектемир	71	92
2.	Миробод	162	194
3.	Мирзо Улуғбек	291	317
4.	Олмазор	291	301
5.	Сергели	298	329
6.	Яшнобод	209	223
7.	Учтепа	348	394
8.	Чилонзор	209	247
9.	Шайхонтоҳур	301	319
10.	Юнусобод	311	341
11.	Яккасарой	112	119

Иккинчи бобнинг иккинчи параграфи «Ёшлар ўртасида жиноятчиликка қарши курашиш ва уни олдини олишда маҳаллалар фаолияти» деб номланади. Дунёда жиноятчилик ва унинг олдини олиш азалдан долзарб муаммолардан бири бўлиб келмоқда. Афсуски, бутун дунёда, хусусан, юртимиз Ўзбекистонда ҳам қасддан одам ўлдириш ёки тан жароҳати етказиш, мол-мулкка тажовуз қилиш, фирибгарлик каби жиноятлар содир этилиш ҳолатлари давом этмоқда.
Тошкент шаҳри ёшлари томонидан содир этилаётган жиноят ва ҳуқуқбузарликлар иштирокчиларини ёш нуқтаи назаридан 2 гуруҳга бўлиш мумкин: биринчиси, вояга етмаганлар бўлиб, улар асосан 13-17 ёшларни ташкил этмоқда. Мазкур йўналишдаги статистик маълумотларга кўра, 2011 йилда умумий жиноятчилик таркибида вояга етмаганларнинг ҳиссаси 2.4 % ни ташкил этиб, 2010 йилга нисбатан 0.1 % камайишига эришилди. Мазкур ҳолатда рўйхатга киритилганларнинг 57.9 % и ўқувчилар бўлиб, уларнинг 20.2 % и мактабларда, 37.7 % и академик лицей ва коллежларда таҳсил олган. 5.8 % и эса меҳнат фаолияти билан машғул бўлгани қайд этилган¹. Иккинчиси, 18-30 ёш оралиғидаги ёшлар ҳисобланади.
Вояга етмаганлар томонидан содир этилаётган жиноятларни қуйидагича гуруҳга бўлиш мумкин: энг кўп учрайдиган турлари ўғирлик, талончилик, безорилик кабилар; вояга етмаганларни ўзаро гуруҳ бўлиб жиноят содир этиши; зўравонлик ва таъмагирлик йўллари билан фирибгарлик ҳолатларини содир этиш.
«2016 йилда фақат академик лицейлар ва касб-ҳунар коллежлари ўқувчилари томонидан 1 минг 427 та жиноятга қўл урилган. Ёшлар тарбиясига етарли эътибор қаратилмагани оқибатида ўтган йили 18 дан 30 ёшгача бўлган фуқаролар томонидан жами 31 минг 933 та жиноят содир этилган»². 18-30 ёш оралиғидаги ёшлар томонидан эса юқоридаги ҳолатлар билан бирга оғир ва ўта оғир турдаги жиноятлар ҳам содир этиш ҳолатлари кўп учрамоқда. Хусусан, қасддан одам ўлдириш, одам савдоси, гиёҳванд ва наркотик моддалар савдоси билан шуғулланиш ҳолатларини алоҳида таъкидлаб ўтиш мумкин.