Toshkent davlat yuridik universiteti iqtisodiy protsessual huquq

Chet davlat huquqi normalarini qo‘llash prinsipi. Mazkur prinsip O‘zbekiston Respublikasining Iqtisodiy protsessual kodeksiga yangi kititilgan prinsilardan hisoblanadi. O‘zbekiston Respublikasi Iqtisodiy protsessual kodeksining 14-moddasida ko‘rsatilishicha, chet davlat huquqi normalarini qo‘llashda sud ushbu normalarning mazmuni ularning tegishli chet davlatda sharhlanishiga va amalda qo‘llanilishiga muvofiq holda aniqlaydi.
Chet davlat huquqi normalari mazmunini aniqlash maqsadida sud ko‘maklashishni va tushuntirib berishni so‘rab, O‘zbekiston Respublikasining hamda chet davlatlarning vakolatli organlariga yoki tashkilotlariga belgilangan tartibda murojaat qilishi yoxud ekspertlarni jalb etishi mumkin.
Ishda ishtirok etuvchi shaxslar talablariga yoki e’tirozlariga asos qilib keltirayotgan chet davlat huquqi normalari mazmunini tasdiqlovchi hujjatlar taqdim etishi va ushbu normalarning mazmunini aniqlashda iqtisodiy sudga boshqacha tarzda ko‘maklashishi mumkin.
Agar ko‘rilgan choralarga qaramay chet davlat huquqi normalarining mazmuni aniqlanmasa, iqtisodiy sud O‘zbekiston Respublikasining tegishli huquq normalarini qo‘llaydi.
NAZORAT UCHUN SAVOLLAR

1. 
   Iqtisodiy protsessual huquq prinsiplari va ularga rioya qilmaslik oqibatlarini sud amaliyotidan misollar keltirib tahlil eting.
   
2. 
   Sud-huquq islohotlari sharoitida sudyalarning mustaqilligi va ularning faqat qonunga bo‘ysunish prinsipini amalda ta’minlash maqsadida qanday chora- tadbirlar amalga oshirildi? Javobingizni normativ-huquqiy hujjatlar asosida asoslantiring.
   
3. 
   Iqtisodiy protsessual huquqning maxsus prinsiplarini misollar asosida tahlil qiling.
   
4. 
   Iqtisodiy protsessual va fuqarolik protsessual huquqi prinsiplarini o‘zaro o‘xshash va farqli jihatlarini tushuntiring.
   

KAZUSLAR