Valyuta interventsiyasi – Markaziy bank tomonidan milliy valyuta kursiga ta’sir etish maqsadida chet el valyutani sotish va sotib olish operatsiyalaridir.
Valyuta kursi – mamlakat pul birligining boshqa mamlakat pul birligida ifodalangan bahosi.
Valyuta munosabatlari – valyutaning jahon oborotidagi harakati natijasida vujudga keladigan pul munosabatidir.
Valyuta operatsiyalari – chet el valyutalari va valyutaviy qimmatliklarga mulk huquqining almashinishi bilan bog‘liq operatsiyalarga aytiladi.
Valyuta rezervlarini diversifikatsiya qilish – bir vaqtning o‘zida bir necha etakchi erkin almashinadigan valyutalarda chet el valyuta zahiralarini tashkil qilish.
Valyuta riski – valyuta kurslarining o‘zgarishi natijasida yuzaga keladigan zarar ko‘rish xavfi tushuniladi.
Valyuta siyosati – bu xalqaro valyuta munosabatlari sohasida amalga oshiriladigan tadbirlar yig‘indisidir.
Valyuta tizimi – valyuta munosabatini tashkil qilishning davlat huquqi shakli.
Valyutaning kurs rejimi – birinchidan, agar milliy valyutaning kursi erkin tarzda valyuta bozorida talab va taklif asosida aniqlansa, bu erkin suzib yuruvchi kurs rejimi deb ataladi.
Valyutaviy inqiroz – xalqaro valyuta munosabatlarida yuzaga keladigan keskin ziddiyatlarga aytiladi.
Vekselli kredit – eksportyor tovarni sotish haqida bitim tuzib, o‘tkazma veksel (tratta)ni importyorga jo‘natadi, importyor tijorat hujjatlarini olib aktseptlaydi, ya’ni unda ko‘rsatilgan muddatda to‘lovni amalga oshirishga rozilik beradi.
Vositalashgan kafolatlar – kafolat beruvchi o‘ziga xos tarzda vositachilik vazifasini o‘taydi. Bunday kafolatlar eksport-import operatsiyalarida keng ishlatiladi.
Valyuta kurslari mexanizmi – milliy valyutaning yevroga nisbatan asosiy paritetini tartibga solish mexanizmi bo‘lib, valyutalar kursi paritetdan 15%gacha farqlanishi mumkin.
Devalvatsiya – bu milliy valyuta kursining chet el valyuta kursiga nisbatan rasman qonuniy asosda pasaytirilishi.
Do'stlaringiz bilan baham: |
