Kotirovka valyutasi – savdo qilinayotgan valyutaning standart birliga narxini ko‘rsatadi.
Kredit – yevrobozordagi o‘rta va uzoq muddatli kreditlar. Ular bo‘yicha, suzuvchi foiz stavkalari belgilangan davr uchun qat’iylashtirib qo‘yiladi.
Kross-kurs – bir mamlakatning valyutasini ikkinchi bir mamlakat valyutasiga nisbatan USD orqali ifodalanadigan nisbati. Kross-kurs xalqaro miqyosda keng qo‘llaniladi. Uni asosan yirik kompaniyalar va korporatsiyalar qo‘llaydi. Bu valyuta kursini aniqlashning real yo‘li hisoblanadi.
Kunlik limit – savdo-sotiq ishtirokchisiga kun davomida o‘ziga olishga ruxsat etilgan maksimal valyutaviy yoki foiz xatari.
Kredit diskriminatsiyasi – bu kredit olishda, undan foydalanishda yoki xalqaro kreditni to‘lashda ma’lum bir qarz oluvchilarga iqtisodiy va siyosiy bosimni yuzaga keltiruvchi og‘ir va qiyin shartlarni qo‘yishdir.
Ko‘pmillatli korporatsiyalar – bosh kompaniya ikki va undan ortiq mamlakat kapitaliga tegishli bo‘lib, xorijiy bo‘limlari turli mamlakatlarda joylashgan korporatsiyalar.
Libor – «London banklararo depozitlar bozorida taklif (sotuvchi)ning stavkasi» tushunchasining qisqartmasi (abbreviaturasi), Londonning etakchi banklari har kuni teng darajadagi banklar uchun o‘z valyutaviy kredit stavkalarini ma’lum qiladilar.
Likvidlilik – foydalanishda (ixtiyorda) bo‘lgan naqd mablag‘lar va tezda pul mablag‘lariga aylanadigan aktivlar.
Limitlangan topshiriqnoma (cheklangan narxli e’lon) – bitim amalga oshirilishi mumkin bo‘lgan topshiriqni maksimal yoki minimal kursda valyutani sotib olish yohud sotish uchun topshiriqnoma.
Lombard krediti – tijorat banklari Markaziy bankdan o‘zlarining portfelidan qimmatbaho qog‘ozlarni garovga qo‘yish orqali kredit olish - bu lombard krediti hisoblanadi.
Loro hisobvarag‘i – A bankning korrespondentlik hisobvarag‘i bo‘lib, B banki uni o‘z pozitsiyasidan yuritadi.
Markaziy Yevropa erkin savdo uyushmasi (MEESA) – 1993 yilda Vengriya, Polsha, Slovakiya, Chexiya, Sloveniya tomonidan imzolangan erkin savdo uyushmasi.
Do'stlaringiz bilan baham: |
