Тошкент «Янги аср авлоди»

Кўтарди бирни иккига ажаб ҳамма дездон, 
Ҳанўз усмай эккан экин, зироатимиз.
Фақирлик айласа торож бўлурму анга илож, 
Қаёнга кетди бу қўлдин бизнинг маҳоратимиз. 
Тавофи Қаъбадан ўтди бизани дин билмам, 
Кимики бонка чилони ани зиёратимиз.
Нечани давлати ортди бу бонка орқасидин,
Нечун зарар кўрамиз ёки йўқ фаросатимиз.
Мудом бонка тубида ўтарму виксил деб,
Кутуб ўтирганимиз айни бир риёзатимиз.
Агар Худо карам айлаб бу қўлга пул тегса,
Ҳамон ани йўқотиш бизни эски одатимиз.
Ароба фойтун ила йўл кезиб Сикандардек, 
Ишонмангиз пули кўп деб, қуруқ тарроратимиз. 
Бас эмди, ёзма Тавалло тамом қил сўзни,
Агарда кўп ёзар эрсанг тегар касофатимиз.
* * *
Тўлди ё раб кетди қўлдин иззатимиз, шонимиз, 
Ҳам хароб ўлди маишат ҳам бузулди қонимиз. 
Шул қадар тўйу азаларга рақобат айладук, 
Мусфиру исрофот ўлди молимиз, сомонимиз. 
Мажлису базму тамошою зиёфатга кетар, 
Ҳимматимиз, сарватимиз, хайримиз, эҳсонимиз. 
Бир мусулмон ўғли ўйнар мажлиси фаҳша чиқиб, 
Халқ тамошо айлаюр қайда базм, виждонимиз. 
Зарратак виждонимиз ўлсайди, ўлмаздук ризо, 
Касб қилсун бу разолатга бизинг ихвонимиз. 
Бошқалар ўғлонлари дор ул-фунунларни кезар,
Ё жувондур, ё жувонбоздур бизим ўғлонимиз, 
Айламазлар бир насиҳат халқнинг нафъи учун, 
Халқ нонила яшайдур пиримиз, эшонимиз. 
Бир-биримизга хиёнатдин йўқ шуғлимиз,

---

Манъ этамизми бу ҳоли динимиз имонимиз. 
Ваҳшийликка хушладук Абдулатифлар пешасин, 
Муқтадомиз ўлмади нечук Улугбек хонимиз. 
Манъи ахлоқи ислом уламога лойиқ экан, 
Манбаи жаҳл ўлди дор ул-илмимиз, ирфонимиз.