Trenerlar tayyorlash kursining namunaviy o‘quv dasturi "Mahalla va oila" ilmiy

16. Stereotip va konfliktogenlar nima va ularga munosabat qanday 
bo‘lishi kerak? Konfliktlar ichida erkaklar va ayollarni o‘zini 
tutish xususiyatlari. Erkak eshitmaydi, ayol bajarmaydi. Konfliktlarni yechimga 
olib kelib bo‘ladimi?! Adolatparvarlik mezonlari. Qaynonani rozi qilishning 10 
ta qonuni. 
Oila va konfliktlar, konfliktlar inson hayotining tabiiy xususiyati ekanligi, 
konflikt oilaviy va ijtimoiy hodisa sifatida, konfliktga nisbatan yoshlarda to‘g‘ri 

---

17 
munosabatni shakllantirish, oilaviy inqirozlar va ularga to‘g‘ri munosabat, oilaviy 
inqirozlarning oldini olish choralari, konfliktning yaratuvchanlik va buzg‘unchilik 
xususiyati, oilaviy konfliktlardan chiqib ketish, ularni yengish usullari, konfliktlarni 
boshqarish, g‘azab va jahlni yengish usullarini bilish, shaxs va oila, oilaning har bir 
a’zosiga hurmat va e’tibor me’yorlari, shaxs erkinligi, egoizm, egoizmdan qutulish 
omillari, oilada o‘zini ustun qo‘yish, oilada uning a’zolari munosabatlaridagi 
uyg‘unlik, shaxs va jamoa munosabatlari, shaxs va oila manfaatlari birligi, oila 
manfaatlarining ustunligi, shaxsning muloqot madaniyati va ichki dunyosi yetukligi 
omillari, ota-ona va farzand majburiyatlari va huquqlari. 
17. Axloq masalasining ustuvorligi. Bola kim? Bola va uning rivojlanish 
xususiyatlari. Bola parvarishiga qo‘yiladigan zamonaviy talablar nimadan 
iborat? 
Axloq nima? Axloq – kishilar orasidagi munosabatlarni tartibga solishning o‘ziga 
xos qoidalari majmui sifatida. Axloq inson ma’naviyatining asosi bo‘lib, yaxshi va 
yomon amallar chegarasini belgilab beruvchi kategoriya ekanligi. Axloqning barcha 
ma’naviy jihatlarini o‘z mazmuniga qamrab olishi, jumladan to‘g‘ri so‘zlik, 
samimiylik, mehnatsevarlik, bosiqlik, muruvvat, mehr, hamdardlik, yordamga 
tayyorlik, erinmaslik, ochiqlik kabi fazilatlar majmuining oilaviy, axloqiy sifatlardan 
ekanligi. Axloqlilikning sub’ekti inson sifatida. Axloqlilik, axloqiy bilim, axloqiy 
madaniyat, axloqiy munosabatlar, axloqiy ong, axloqiy hissiyotlar. Axloqiy 
muammolar: axloqsizlik, bevafolik, inson sha’nini hurmat qilmaslik, bilimsizlik, 
jaholat, hiyonat. 
Bola kim va uning rivojlanish bosqichlari. Farzandga ota-ona, maktab yoki 
mahallaning tarbiyaviy ta’sirlari. Farzandlar bilim olishlari uchun ota-onalar 
tomonidan sharoit yaratib berilganligi. Bola parvarishiga qo‘yiladigan zamonaviy 
talablar. Bugungi globallashuv davrida farzand tarbiyasi. Uyali telefonlardagi 
tajovuzliklar hamda ijtimoiy tarmoqlardagi muammoli vaziyatlarning bolani 
tarbiyasiga ta’siri. Farzand tarbiyasi o‘z ichiga diniy-axloqiy, tibbiyot, etika, 
psixologiya, pedagogika kabi sohalariga oid bilimlarni qamrab olishi. Zamonaviy oila 
mavqeiga doir muammolar.