Türkmenbaşy adyndaky türkmenistan milli golýazmalar instituty

SOLTAN ANTAKYÝaDA 
 
Mälik şa Halapda birnäçe wagt bolandan soň, 
Süleýmanşa tarapyndan zabt edilip alnan Antakyýa 
gitdi. Ol ýerde Süleýmanşanyň weziri emir Hasan, 
soltany şäheriň daşynda garşylap, tabynlygyny bildirdi 
we öz ýanyndaky Süleýmanşanyň çagalary üçin aman 
diledi. 1086-njy ýylyň ahyrlarynda Antakyýa aýak 
basan Mälik şa, ýanyndaky emirlerden Alpogly 
Ýagysyýana bir bölek esger berip şähere waly belledi, 
emir Hasana bolsa dolandyryş işlerini ýöretmegi 
tabşyrdy. Ondan soň Soltan Samandagyna çenli gitdi 
we ol ýerden Ortaýer deňzine çykdy. Bu ýerde deňze 
haýran galyp synlaýan ýaş Soltan, golastyndaky 
ülkeleriň Alp Arslan döwründäkiden hem artandygy 
üçin Beýik Taňra dileg-doga etdi. Çaýkanyp ýatan 
deňziň kenarynda pikir ummanyna batan soltan 
buýsanjyna atyny tolkunlaryň jümmüşine sürdi we 
gylyjyny üç gezek suwa batyryp «Ynha, Beýik Taňry 

---

91 
Gündogar deňzinden (Hazar ýa-da Baýkal kölleri) 
Günbatar deňziniň arasyndaky bolan ülkeleriň 
häkimiýetini maňa berdi» diýýär, soň bolsa namaz 
okap Alla Tagalanyň berenine şükür edýär. Mälik şa 
deňiz kenaryndan bir gysym gum aldy. Haçanda ol 
kakasy Alp Arslanyň Marydaky guburyna zyýarat 
edende «Eý atam Alp Arslan! Ynha, saňa buşluk 
getirdim, entek çagaka goýup giden ogluň, dünýäni bir 
ujundan beýleki ujuna çenli basyp aldy» diýip, sözüň 
doly 
manysynda 
maksadyna ýeten hökümdara 
mynasyp buýsanç bilen aýdýar. Soltan Süleýmanşanyň 
Antakyýadaky aýalyny we çagalaryny alyp Halabyň 
üsti bilen Halypalygyň paýtagty Bagdada gidýär. 
Şeýlelikde, soltan Mälik şa ep-esli wagt bäri Halabyň 
häkimiýeti üçin şadöwletiň emirleriniň arasynda 
örboýuna galan gandöküşikli çaknyşyklary ýok etdi we 
bu ýerlere walylar belläp, sebiti göni Beýik Seljuk 
döwletine baglady, hususanam Türkiýe we Siriýa 
Seljuk döwletleriniň arasynda olary göz astyndan 
gözegçilik eder we golastynda saklar ýaly bitarap zolak 
döretdi.