Türkmenbaşy adyndaky türkmenistan milli golýazmalar instituty
Download 0.72 Mb. Pdf ko'rish
|
Aly Sewim Siriýa we Palestina Seljuk döwletiniň taryhy-2004`MGI
- Bu sahifa navigatsiya:
- SELJUK EMIRLERINIŇ ARASYNDAKY DÜŞÜNIŞMEZLIK
|
SURUÇ WE URFA ÝÖRIŞLERI
Halap Seljuk döwletiniň tagtyna oturan Ryzwan kakasy Tutuşyň golastyndaky Siriýany Palestinany, Günorta-Gündogar we Gündogar Anadolyny, Demirgazyk Yragy öz eline almak üçin harby taýýarlyk işlerine başlady. Onuň ilkinji nyşanasy entek seljuk walydyr serkerdeleri bolmaýan Günorta- Gündogar Anadoly boldy. Şunlukda, ýanyndaky weziri Jenaheddöwle, Ýagysyýan, Abakogly Ýusup ýaly emirler bilen öň kakasy Tutuş tarapyndan özüne berlen Artykogly Sökmene degişli Suruja ýöriş etdi (1096-njy ýyl). Sökmen şähere ondan öň gelip, goranyş çärelerini geçirdi. Şäheri alkymlap gelen Ryzwan haýal-ýagallyk etmän ony gabamaga girişen hem bolsa, çaknyşyk bolmady. Geçirilen gepleşikler netijesinde ylalaşyk baglaşyldy we Sökmen Ryzwanyň agalygyna girdi. Şeýlelikde, Suruç we onuň töwerekleri Halap Seljuk döwletiniň golastyna girdi. Şäheriň içki galasynyň Tutuşyň bize ady näbelli bolup galýan atly goşun böleginiň serkerdebaşysynyň elindedigine garamazdan, 117 şäher Toros Ermeni tarapyndan dolandyrylýardy. Bu türkmen serdarynyň çakylygy boýunça herekete geçen Ryzwan Torosyň örän güýçli garşylyk görkezmegine garamazdan, Urfany eýeledi (1095-nji ýyl), Içki galany Ýagysyýan Ryzwandan diläp özüne aldy we abatlaýyş işlerini geçirdi. Şeýlelikde, Günorta-Gündogar Anadolynyň esasy berkitmelerinden biri bolan Urfa ýaňadan Halap seljuk döwletiniň golastyna girdi. SELJUK EMIRLERINIŇ ARASYNDAKY DÜŞÜNIŞMEZLIK Urfa alnandan soň, Mälik Ryzwanyň ýanyndaky emirleriň arasynda dartgynlylyk we düşünişmezlik ýüze çykdy. Antakyýa walysy Ýagysyýan, emir Ýusup we Abulkasym bilen bile Halaba gitmän Antakyýa çekilýärler. Emir Jenaheddöwle Ýagysyýanyň bu kitüwli hereketi we özüni alyp barşy sebäpli Ryzwanyň makullamagy bilen oňa degişli Magarratun-Nugmana ýöriş edip, Ýagysyýanyň oglunyň elindäki şäheri basyp aldy (1096-njy ýylyň ortalary). Şeýlelikde, Ýagysyýanyň häkimiýet çäkleri daralyp, Halap seljuk döwletine garşy eden şübheli hereketleriniň öňi alyndy. Download 0.72 Mb. Do'stlaringiz bilan baham: 
|