Türkmenbaşy adyndaky türkmenistan milli golýazmalar instituty

 
TRABLUSŞAMA ŸÝaRDAM SAPARY 
Iýerusalimde 
haçparaz 
şalygynyň 
gurlan 
günlerinde Raýmond de Saint Gilles Fransiýa dolanyp, 
esger ýygnady we Stambulyň üsti bilen (1100-nji ýyl) 
Siriýa gelýärkä, Eskişäher-Eregli arasynda Seljuk 
soltany Gylyç Arslan I tarapyndan derbi-dagyn edilýär. 
Kynlyk bilen Antakyýa gelen Raýmond şazada 
Tankred tarapyndan tussag edilse-de, haçparaz 
serkerdeleriniň töwellasy bilen boşadylýar (1101-nji 
ýyl). Has soňra Trablusşamyň demirgazygyndaky 
kenarýaka şäheri — Antartusy basyp alyp, 
Trablusşama ýöriş etmäge taýýarlandy. Haçparaz 
howpy bilen ýüzbe-ýüz galan Trablusşam şäherinde 
ýüze çykan ýagdaýy synlap oturan Ibn Ammar Dukak 
bilen Humus emiri Jenaheddöwlä hat ugradyp, 
Trablusşamyň serhedine ýakynlaşan Raýmonda garşy 
göreşe çagyrýar. Dukak bu ýörişe özi goşulman iki 
müň atly esgerini ugradýar. Emir Jenaheddöwläniň 
Humusda ýokdugy üçin ýerine galan emir Ýahyz 
Humus güýçleriniň başyna geçip, Trablusşama ýöriş 

---

202 
edýär. Damask we Humus güýçleri Trablusşamda Ibn 
Ammaryň güýçleri bilen birleşip, Raýmondy 
garşylamak üçin Antartusa ýöriş etdiler. Musulman 
güýçleri baradaky habary alan Raýmond Antartusyň 
golastynda karargähini gurýar we söweşe taýýarlyk 
görýär. Bileleşen güýçler haçparazlara garşy üç 
tarapdan hüjüme geçýärler. Çaknyşygyň başlarynda 
birleşen güýçler näbelli sebäplere görä bölünýärler. 
Köp wagt geçmänkä-de, Damask esgerleri ýeňlip 
dargaýarlar. Damask we Humus esgerleriniň 
dargamagy bilen Raýmond goşuny bilen Trablusşam 
esgerleriniň üstüne hüjüme geçýär we olary ýeňýär. 
Birleşen güýçler söweşde uly ýitgilere sezewar 
bolýarlar. Söweş meýdanyndan gaçan Trablusşam, 
Damask we Humus goşunlary yzlaryna dolanýarlar 
(1102-nji ýylyň Gurbansoltan aýy). Soňra Raýmond 
Ortaýer deňziniň gündogaryndaky möhüm gämi 
duralga şäherini Trablusşamy gabaýar.