Turon nashr

Ишга қабул қилиш бўйича маслаҳатчилар (Recruitment consultants). Ишга қабул қилишнинг ихтисослашган маслаҳатчилари ёки агентликлари ишга қабул қилишнишда муайян вазифаларини бажариш учун ташкилот томонидан жалб қилиниши мумкин. Ушбу вазифалар қуйидагилар:
(а) Талабларни таҳлил қилиш ёки хабардор қилиш;
(b) Ишга қабул қилиш ва танлаш учун ходимларнинг иш тавсифларини, техник тавсифларини ва бошқа ёрдамчи воситаларни тузишда ёрдам бериш ёки улар бўйича маслаҳат бериш;
(с) Бўш иш ўринлар ҳақида эълонларини ишлаб чиқиш (ёки бошқа норасмий усуллар ва алоқалардан фойдаланиш, масалан, иш қидириш орқали);
(d) махфийлик дастурларини ишлаб чиқиш. Номуносиб кадрларни йўлламаслик учун.
(е) Суҳбат учун қисқа мазмунда сўровномаларни тузищ;
(f) Консалтинг ёки биринчи давра суҳбатларини ўтказиш;
(g) Эслатмалар ва тавсиялар билан мос номзодлар рўйхатини таклиф қилиш.
Аутсорсинг қарорига таъсир қилувчи омиллар:
(а) нарх;
(b) Маслаҳатчи жараёнга олиб келиши мумкин бўлган тажриба, мутахассис билимлари ва алоқалар даражаси;
(c) Ташкилот ичида мавжуд бўлган ишга қабул қилиш тажрибаси даражаси;
(d) Холисликка эҳтиёж борми, уни фақат объектив баҳолаш бўйича ўқитилган ташқи мутахассис тўлдириши мумкинми. Агар ташкилотда янги қон керак бўлса, инсайдерлар учун умумий ташкилий турдаги клонларни танлаш хато бўлиши мумкин.
(e) Ташқи агентдан фойдаланиш ички ходимлар томонидан қўллаб-қувватланадими ёки хафа бўладими/рад этиладими;
(f) Ташкилий маданият ходимлар қарорларини қабул қилишда ички ходимларни қўллаб-қувватлайдими (маслаҳатчилар лавозими ёки мартабаси билан боғлиқ муаммолар ва барча даражадаги муаммоларни эркин муҳокама қила олишишини билишлари керак);
(g) Вақт; маслаҳатчилар вакансия, ташкилот ва унинг талаблари ҳақида билиб олишлари керак;
(h) Меҳнат таъминоти (Supply of labour). Агар вакант жойларни тўлдириш учун бошқа профессионал усуллар мавжуд бўлса (мисол учун, вакант жойларини эълон қиладиган профессионал журналлар) ишга қабул қилиш маслаҳатчиларни ташкилот томонидан йўллаш унча самарасиз бўлиши мумкин (ҳаражатларни амалга ошириш нуқтаи назаридан).³⁴⁰
Демак ходимларни ташлашда менежер ходимларнинг линиялари муҳим бўлиб ҳисобланади. Ходимларни танлашда маъсулият уларнинг зиммасига тушади. Ҳар бир ишчи ходимни танлашда махфий ахборот тизими ҳам шакиллантириш самара олиб келади. Сабаби қисқа тўғри ташкил этилган сўровнома асосида ходимнинг муносиб ёки номуносиблиги тезкор аниқлаш асосида, керакли қарор қабул қилинади. Ходимларни ишга олиш ва танлаш жараёни мураккаб бўлиб, малака ва билимни талаб қиладиган жараёнлардан бири десак ҳам бўлади.

9.7. Ишга қабул қилиш жараёни.

Foundations of Accounting in Business - FAB Study Text 2016. PART D: Chapter 12 « Recruitment and selection» қисмида ишга қабул қилиш жараёни қуйидагича ёритилган.