U. ǴAfurov, Q. Sharipov

STARTAP USHÍN INVESTOR IZLEW
Startap jobası ushın investor izlewdiń eń nátiyjeli usıllarınan biri 
«Networking» bolıp esaplanadı. 
«Networking» — tarmaqlarǵa baylanıslı forum hám konferen-
ciyalarda, startap tańlawlarında, venchur investiciyalaw boyınsha 
ilajlarda qatnasıw bolıp esaplanadı.
Usı ilajlarda finanslıq dereklerine iye bolıwdı qálewshi kóplegen 
kompaniyalar menen bir qatarda, bolajaq investorlar da qatnasadı.
Kompaniya startapı ushın investordı tartıwda tiyisli forum hám 
saytlarda daǵazalardı shıǵarıw úlken járdem beredi. Sonday-aq, 
startaplar birjası hám de startaplardı qarjılandırıwshı shólkemler de 
bar.

---

60
STARTAPLARDÍŃ RAWAJLANÍW BASQÍSHLARÍ
Startaplar birneshe rawajlanıw basqıshlarınan ótedi.
«Pre-startup» basqıshı — ideyanıń payda bolıwınan baslap tovar-
dıń bazarǵa shıǵıwına shekem dawam etiwshi dáwir.
«Pre-seed» basqıshı — ideya qáliplesip bolǵan, tutınıwshı ushın 
házir ne zárúrligi anıqlanıp bolǵan basqısh. Biraq ele ideyanı qalay 
etip texnikalıq jaqtan jaqsıraq ámelge asırıw barısında anıq kózqaras 
bolmaydı.
«Seed» basqıshı — bazardı úyreniw, startap rejesin dúziw, tex-
nikalıq tapsırmanı dúziw hám ámelge asırıw, tovar úlgisin jaratıw 
hám sınawdan ótkeriw, dáslepki investorlardı izlew hám jobanı iske 
túsiriwge tayarlıq basqıshı.
«Startup» basqıshı — jobanı iske túsiriw hám de onıń islewiniń 
baslanǵısh dáwiri. Ol eki basqıshtan ibarat boladı:
Ósiw basqıshı — startap bazarda turaqlı jaǵdaydı iyelep, biznes-reje 
dúziw basqıshında belgilengen shekke jetiw ushın isenimli háreket 
ámelge asırıladı.
Keńeyiw basqıshı — startap dáslepki maqsetli bazardaǵı biznes-
rejeni ámelge asırıp, basqa bazarlardı iyelew esabına óz shegarasın 
keńeyttire baslaydı.