U. ǴAfurov, Q. Sharipov

KÁRXANA SHÓLKEMLESTIRIW SHÁRTNAMASÍ
Kárxananı shólkemlestiriwde eki yamasa onnan artıq tárepler 
qatnasqanda olar arasındaǵı huqıq hám minnetlemelerdi óz ara 
kelisip alıw zárúr boladı. Bunday kelisiw shólkemlestiriw shártnaması 
arqalı rásmiylestiriledi.
Shólkemlestiriw shártnaması — shólkemlestiriwshilerdiń kárxananı 
shólkemlestiriw waqtında óz ara kelisip alınǵan tiykarǵı shártlerdi 
kórsetiwshi yuridikalıq hújjet.

---

63
Shólkemlestiriw shártnamasında tárepler (shólkemlestiriwshiler) 
yuridikalıq shaxs shólkemlestiriw minnetlemesin aladı, onı shól-
kemlestiriw tarawında birgelikte xızmet kórsetiw tártibin, oǵan 
óz mal-múlklerin beriw hám de onıń xızmetinde qatnasıw 
shártlerin belgileydi. Shártnamada payda hám zıyanlardı qatna-
sıwshılar arasında bólistiriw, yuridikalıq shaxs xızmetin basqarıw, 
shólkemlestiriwshilerdiń onıń quramınan shıǵıw shártleri hám 
tártibi de belgilep qoyıladı. Shólkemlestiriw shártnamasına shólkem-
lestiriwshilerdiń kelisimine muwapıq basqa shártler de kirgiziledi.
Ózbekstan Respublikası Puqaralıq kodeksi, 43-statya
LOGOTIP HÁM FIRMA BELGISI
Siz óz kárxanańızdıń tanımalı bolıwın qáleseńiz, onday jaǵdayda 
onıń firma atın hár túrli grafikalıq belgiler, emblema yaki súwretler 
arqalı ańsat yadda qalatuǵın hám tanılatuǵın dárejesin támiyinlewińiz 
zárúr. Bunda logotip hám firma belgilerinen paydalanıladı. Kóp 
jaǵdaylarda logotip hám firma belgisi birdey mániste de qollanıladı.
Atı
 
Qısqasha mazmunı
Mısal
Logotip
Grekshe «logos» sóz, «typos» 
tamǵa mánisin ańlatıp, firma 
atınıń arnawlı stilge salınǵan 
hám qısqarttırılǵan forması
Firma 
belgisi
Firma atı menen qabatlasıp 
jaylastırılıwshı yamasa bólek 
tárizde de qollanılıwshı siy-
rek ushırasatuǵın súwretli ele-
ment

---

64
TOVAR BELGISI
Siz ózińiz islep shıǵarǵan ónim yaki kórsetken xızmetti basqa ónim 
hám xızmetlerden ajıralıp turıwı ushın tovar belgisi, sawda markası, 
xızmet kórsetiw belgisi sıyaqlı arnawlı belgilerden paydalanıwıńız 
múmkin. Eger bul belgiler tutınıwshılarǵa keń tanılıp, bazardıń 
salmaqlı bólimin iyelep alsa, ol jaǵdayda brend dep ataladı.