U. ǴAfurov, Q. Sharipov

ONLAYN TÁRIZDEGI MÚRÁJÁÁT
Eger siz isbilermenlik xızmetińizdi Internet sisteması arqalı 
dizimnen ótkeriwge qarar etseńiz, bul onlayn tárizdegi múrájáát 
esaplanadı. Bunıń ushın qálegen jerde turıp, bir ayna. uz veb-
saytında jaylasqan baǵdarlama arqalı dizimnen ótiwge boladı. Onlayn 
tárizdegi múrájáátde dizimnen ótkergeni ushın mámleket bajı eń 
kem is haqınıń yarım esesi muǵdarında tólenedi.
Dizimnen ótiw procesi sorawlardı elektron formada toltırıw 
arqalı basqıshpa-basqısh ámelge asırıladı. Dizimnen ótkeriw juw-
maqlanǵannan keyin, sizge isbilermenlik subyekti mámleketlik 
dizimnen ótkerilgenligi haqqındaǵı gúwalıq elektron formada beriledi.
INTERNET SISTEMASÍ ARQALÍ DIZIMNEN 
ÓTKERIWDIŃ ABZALLÍQLARÍ
Siz óz isbilermenlik xızmetińizdi internet sisteması arqalı dizimnen 
ótkerseńiz bir qatar abzallıqlarǵa iye bolasız. Sonıń qatarında: 
— dizimnen ótkeriwshi organǵa qaǵaz kórinisindegi hújjetlerdiń 
tiykarǵı nusqaların tapsırıw zárúrligi joq;
— arza jazıwshılardı dizimnen ótkeriwshi organǵa, sonday-aq, 
dizimnen ótkeriwge mámleket bajısın tólew ushın bank kassasına 
ózi keliw zárúrliginen qutıladı;
— hújjetler Internet arqalı onlayn tapsırılǵanda biznesti dizimnen 
ótkeriw ushın mámleketlik bajıları stavkaları ózi kelip buyırǵan 
jaǵdayǵa salıstırǵanda eki ese kem tólenedi;
— biznesti dizimnen ótkeriw ushın hújjetlerdi rásmiylestiriw hám 
tapsırıwdı arza iyesi qolay bolǵan qálegen waqıtta baslaw, toqtatıp 
turıw yamasa qaytadan baslaw múmkin boladı.

---

69
BILESIZ BE?
Kárxanalar hám shólkemler birden-bir mámleket registri maǵ-
lıwmatlarına muwapıq, 2018-jıldıń 1-yanvar halatına dizimge 
alınǵan yuridikalıq shaxslar sanı (fermer hám diyqan xojalıqlarısız) 
300,2 mıńǵa jetti. 
Dizimnen ótken kárxanalar hám shólkemlerdiń tiykarǵı úlesi 
Tashkent qalasında (20,8%), Tashkent (10,2%), Ferǵana hám 
Andijan (8,7%) wálayatları úleslerine tuwra keledi.