106
MARKETING IZERTLEWI BOYÍNSHA
MAǴLÍWMAT TOPLAW
Maǵlıwmatlar eki túrde — birlemshi hám ekilemshi boladı.
Birlemshi maǵlıwmatlar usı waqıtqa shekem bolmaǵan maǵlıwmatlar
esaplanıp, olar tómendegi dereklerden alınadı:
— izertlenip atırǵan mashqala boyınsha óz pikirine iye bolǵan
másláhátshi
yamasa ekspertler;
— izertlenip atırǵan mashqala qatnasıwshıları háreketlerin baqlaw;
— soraw arqalı úyreniw hám eksperiment.
Ekilemshi maǵlıwmatlarǵa alınǵan maǵlıwmatlardı
analizlew
arqalı keltirip shıǵarılǵan maǵlıwmatlar kiredi.
ALÍNǴAN MAǴLÍWMATTÍ ANALIZLEW
Marketing izertlewin ótkeriw nátiyjesinde alınǵan maǵlıwmatlar
analizlenip shıǵıladı. Analiz arnawlı usıllar arqalı ámelge asırılıp,
kópshilikke túsinikli bolıwı ushın keste,
diagramma, grafik kórinis-
lerinde rásmiylestiriledi.
IZERTLEW NÁTIYJELERI BOYÍNSHA
PREZENTACIYA TAYARLAW
Siz ótkerilgen marketing izertlewi nátiyjelerin mápdar táreplerge
— basshı,
investorlar,
biznes-birge islesiwshiler, bank xızmetkerleri
hám basqa qánigeler itibarına jetkeriwińiz kerek boladı. Óz
pikir
hám juwmaǵıńızdı tıńlawshıǵa anıq, túsinikli hám qızıqlı jaǵdayda
jetkeriw — baslaǵan jumısıńızdıń nátiyjesiniń girewi esaplanadı.
BILIMIŃIZDI SÍNAP KÓRIŃ!
1. Isbilermenlik xızmetinde marketingtiń ornın túsindirip beriń.
2. Marketingtiń zamanagóy koncepciyasınıń mazmunı neden ibarat?
3. Marketingtiń maqsetin túsindirip beriń.
4. Marketingtiń qanday wazıypaları bar?
5. Marketingtiń tiykarǵı principlerin esapqa alıw ne ushın zárúr dep
oylaysız?
