U. ǴAfurov, Q. Sharipov

WAZÍYPALARÍN QOYÍW
Marketing izertlewinen ne kútiledi — bunı anıq kóz aldımızǵa 
keltiriw maqsetti anıqlap alıwdı talap etedi. Maqsetke qarap, oǵan 
erisiwdi támiyinlewshi wazıypalar belgilep alınadı. Sonday-aq, házir 
usı basqıshta isbilermenlikti shólkemlestiriw boyınsha shamalawlar 
alǵa súriledi.
Máselen:

---

105
— mektep janında tez tayarlanatuǵın awqatlıq ónimleri dúkánın 
ashıw úlken payda keltiredi;
— tayarlanǵan ónimlerdi oqıwshılardıń klass bólmelerine jetkerip 
beriw usılınan paydalanıw satıw kólemin keskin arttıradı hám t.b.
Marketing izertlewi dawamında usı shamalawlardıń durıs yaki 
durıs emesligi anıqlanadı.
MARKETING IZERTLEW REJESIN ISLEP SHÍǴÍW
Marketing izertlewi dawamında ámelge asırılatuǵın is-háreket-
lerdiń anıq jıynaǵı onıń rejesin kórsetedi. Rejede, eń dáslep, 
tómendegi tárepler bayan etiledi:
1) marketing izertlewin ámelge asırıw boyınsha mashqalalar.
Máselen:
— mektep oqıwshılarında tez tayarlanatuǵın awqat ónimlerine 
talaptıń bolǵanlıǵı haqqında maǵlıwmattıń joqlıǵı;
— mektep basshısınıń tayarlanǵan ónimlerdi klass bólmelerine 
alıp kiriwge ruqsat beriw yamasa bermewiniń anıq emesligi hám 
t.b.;
2) maqsetli topar, yaǵnıy ónimniń potencial qarıydarları. Bul 
orında siziń maqsetli toparıńız usı mektep oqıwshıları esaplanadı. 
Siz olardıń bul boyınsha pikirlerin úyreniwińiz kerek. Biraq barlıq 
mektep oqıwshıları menen birme-bir gúrrińlesip shıǵıw júdá kóp 
waqıt talap etedi. Sonlıqtan, siz olardıń belgili bir bóliminen, aytayıq, 
hárbir klastan bir oqıwshıdan soraw ótkeriw arqalı pikirin biliwińiz 
kerek;
3) izertlew xarakteri. Izertlew xarakteri tómendegishe bolıwı 
múmkin:
— tanıstırıwshı (mashqala hám onıń sheshimi boyınsha dáslepki 
maǵlıwmatlardı jıynaw);
— sıpatlawshı (anıq cifrlardı tastıyıqlaw yamasa biykar etiw);
— eksperiment (hádiyseler arasındaǵı sebep-aqıbet baylanısların 
túsindiriw. Máselen, ónimlerdi klass bólmelerine jetkerip beriw satıw 
kólemine qanday tásir kórsetedi);