U. ǴAfurov, Q. Sharipov

29-TEMA
KÁRXANADA MIYNET RESURSLARÍ 
MIYNET RESURSLARÍ
Isbilermenlik xızmetin shólkemlestiriwde eń zárúr ekonomikalıq 
resurslardan biri — miynet resursları bolıp esaplanadı. 
Miynet resursları — xalıqtıń miynet etiw ushın zárúr bolǵan 
fizikalıq hám aqılıy qábiletine iye bolǵan bólimi.
Ózbekstanda miynet resursları quramına 16 jastan 55 jasqa shekem 
bolǵan hayallar hám de 60 jasqa shekem bolǵan er adamlar kiredi.
MIYNET SHÁRTNAMASÍ
Eger siz isbilermenlik xızmeti tiykarında jumısshılardı jumısqa 
jallamaqshı bolsańız, bunı nızamlı tiykarda shólkemlestiriwińiz ke-
rek. Mámleketimizde kárxana hám jumısshılar arasındaǵı qatnas 
miynet shártnaması járdeminde qáliplesedi. 
Miynet shártnaması — kárxana hám jumısshılar arasındaǵı 
jumısqa jallaw boyınsha qatnastı kórsetiwshi hám tártipke salıwshı 
huqıqıy hújjet.
Miynet shártnamasında tómendegi zárúr máseleler belgilep beriledi:
— is haqı stavkası;
— normadan artıqsha islengen jumıslar ushın stavka;
— dem alıw kúnleri hám tánepisler;
— pensiya fondları hám densawlıqtı saqlawǵa ajıratılǵan aqshalar 
(ajıratpalar);
— bahalardıń ózgeriwin esapqa alǵan jaǵdayda is haqı hám basqa 
tólemler muǵdarın tártipke salıw;
— miynet sharayatı hám basqa máseleler.
Sonday-aq, miynet shártnamasında zárúr shólkemlestiriwshilik 
máseleler de kórsetip ótiledi. Ádette, miynet shártnaması birneshe 
jılǵa dúziledi.

---

134
IS HAQÍ
 
Isbilermenlik xızmetinde jumısshılardı xoshametlewdiń eń tiykarǵı 
túri is haqı bolıp esaplanadı. Is haqınıń durıs hám ádalatlı belgileniwi 
nátiyjesinde isbilermenlik xızmeti nátiyjelerine jaqsı tásir kórsetedi.
Is haqı — isbilermenlik xızmetinde jaratılǵan ónimnen jumısshı 
hám xızmetshiler miynetiniń muǵdarı, sıpatı hám ónimdarlıǵına 
qarap tólenetuǵın úlesiniń puldaǵı kórinisi.
Jumısshı hám xızmetshilerdiń is haqı olardıń jeterli dárejedegi 
turmıs sharayatın támiyinlewi kerek. Bul orında nominal hám real 
is haqı túsiniklerin biliw zárúr.