U. ǴAfurov, Q. Sharipov

Ózbekstan Respublikası Prezidenti Sh. Mirziyoev
INVESTICIYA XÍZMETI
Siz isbilermenlik xızmetin jolǵa qoymaqshı bolsańız investiciyalaw 
degen túsinikke dus keliwińiz tábiyiy. Sebebi, isbilermenlikte 
investiciya xızmeti áhmiyetli orın tutadı. Investiciya xızmeti — payda 
alıw maqsetinde pul yamasa basqa kórinistegi qarjılardı óndiriske 
tartıw hám olardan paydalanıw procesi.
Investiciya xızmeti — investiciya xızmeti subyektleriniń investi-
ciyaların ámelge asırıw menen baylanıslı háreketlerdiń jıynaǵı.
Ózbekstan Respublikasınıń 2014-jıl 9-dekabrdgi ÓRQ-380-sanlı 
jańa redakciyasındaǵı «Investiciya xızmeti haqqında»ǵı nızamı, 
3-statya
Siz, tiykarınan, qanday baǵdarlarda investiciyalaw menen shuǵıl-
lanıwıńız múmkin?
Eń dáslep kárxananı jańa imarat, texnika hám ásbap-úskeneler 
menen úskenelew yamasa barların zamanagóy, nátiyjeli hám aldınǵı 
kórinislerdegileri menen almastırıw kerek. Bul process texnikalıq 
yamasa texnologiyalıq modernizaciyalaw dep de ataladı.
Texnikalıq yamasa texnologiyalıq modernizaciyalaw — bar tex-
nikalıq yamasa texnologiyalıq úskeneler hám ásbap-úskenelerdi 
zamanagóy hám aldınǵı túrleri menen almastırıw.

---

121
Sonday-aq, siz óndiris xızmetin keńeyttiriwge investiciya kirgi-
ziwińiz múmkin. Bul qosımsha imaratlar qurıw, jańa óndiris kúsh-
lerin iske túsiriw, qosımsha jumısshılardı jallaw sıyaqlı proceslerdi 
óz ishine aladı.
Jańa xızmet túrlerin ózlestiriw investiciya kirgiziwdiń zárúr baǵdarı 
bolıp esaplanadı. Sebebi, siz birneshe xızmet túrine tiykarlanǵan 
óndiristi shólkemlestirseńiz, bazardaǵı jaǵdaydıń ózgergen sharayatında 
da dáramat alıw imkaniyatıńız keńeyedi. Óndiris xızmeti túrlerin 
keńeyttiriw óndiristi diversifikaciyalaw dep ataladı.