U. ǴAfurov, Q. Sharipov

27-TEMA
INNOVACIYALÍQ XÍZMET
Búgin biz mámleket hám jámiyet turmısınıń barlıq tarawların 
túpten jańalawǵa qaratılǵan innovaciyalıq rawajlanıw jolına 
ótpektemiz. Bul biykar emes, álbette. Sebebi, zaman tezlik penen 
rawajlanıp baratırǵan házirgi dáwirde kim utadı? Jańa pikir, jańa 
ideyaǵa, innovaciyaǵa súyengen mámleket utadı.
Innovaciya — bul keleshek degeni. Biz ullı keleshegimizdi 
qurıwdı búginnen baslaytuǵın bolsaq, onı házir innovaciyalıq 
ideyalar, innovaciyalıq qatnas jasaw tiykarında baslawımız kerek.
Ózbekstan Respublikası Prezidenti Sh. Mirziyoev
JEDELLESTIRIWSHI SORAW HÁM TAPSÍRMALAR
1. Súwretlerde kórsetilgen ónimlerdiń ádettegi ónimlerden ajıralıp 
turatuǵın ózgesheligi nede dep oylaysız?
2. Usı ónimlerdiń ózine tán ózgeshelikleriniń abzallıǵı nede?
3. Siz ózińiz de qanday da bir ónimdi ádettegidey emes jaǵdayda islep 
shıǵarıw haqqında oylap kórgenbisiz?
INNOVACIYALAR
Mámleketimizde 2018-jıl «Jedel isbilermenlik, innovaciyalıq ideya-
lar hám texnologiyalardı qollap-quwatlaw jılı» dep ataldı. Xosh, 
innovaciyanıń ózi ne?
Innovaciya (ingl. «innovation» — jańalıq, novatorlıq) — jańa 
texnologiya, ónim hám xızmetler túri, óndiris, miynet, xızmet 
kórsetiw hám basqarıw kórinisindegi jańalıqlardıń qollanılıwı.

---

125
Demek, bunnan kórinedi, eger siz usı waqıtqa shekem bolmaǵan 
jańa ónim islep shıǵarıw yamasa xızmet kórsetiwdi jolǵa qoysańız, 
ol jaǵdayda innovaciyanı ámelge asırǵan bolasız.
BILESIZ BE?
Innovaciya túsinigin birinshi bolıp avstriyalı ekonomist 
Y. Shumpeter aylanısqa kirgizip, bes tárepin belgilep bergen:
— jańa texnika hám texnologiyalıq proceslerden paydalanıw;
— jańa ózgesheliklerge iye bolǵan ónimdi engiziw;
— jańa shiyki zattan paydalanıw;
— óndiris hám onıń materiallıq-texnikalıq támiynatın shólkem-
lestiriwdegi ózgerisler;
— jańa satıw bazarlarınıń payda bolıwı.