U. ǴAfurov, Q. Sharipov

KÁRXANANÍŃ INNOVACIYALÍQ XÍZMETI
Mámlekette joqarı ekonomikalıq ósiw hám rawajlanıwdı támiyinlew 
ushın kárxanalarda innovaciyalıq xızmetti jolǵa qoyıw zárúr.
Kárxananıń innovaciyalıq xızmeti — jańa bilim hám texno-
logiyalardı óndiriske engiziwde qaratılǵan ilajlar jıyındısı.
Bul ilajlar ilimiy, texnologiyalıq, finanslıq hám kommerciyalıq 
sıpatqa iye bolıwı múmkin. Kárxanada innovaciyalıq xızmetti ámelge 
asırıw nátiyjesinde:
— jańa ónim túrin islep shıǵarıw yamasa xızmet kórsetiwdi jolǵa 
qoyıw;
— bar bolǵan ónim yamasa xızmetlerde jańa sıpat ózgeshelikleri 
payda boladı.
Kárxanada innovaciyalıq xızmetti basqarıw innovaciyalıq menedj-
ment dep ataladı.
INNOVACIYALARDÍŃ TOPARLANÍWÍ
Siz óz xızmetińizde innovaciyalardı ámelge asırmaqshı bolsańız, ol 
jaǵdayda olardıń túrlerin biliwińiz kerek. Innovaciyalardıń tómendegi 
túrleri ajıraladı.
Hárbir innovaciya túriniń mazmunın kórip shıǵamız.

---

126
Innovaciya túrleri
Texnikalıq
Texnologiyalıq
Shólkemles-
tiriwshilik 
basqarıw
Xabar
Jámiyetlik
Texnikalıq innovaciyalar — jańa yamasa jetilistirilgen ózgeshe-
liklerge iye ónimler islep shıǵarıw. Bunda siz óz ónimińizdiń qanday 
da bir texnikalıq ózgesheligin jetilistirgen bolasız.
Texnologiyalıq innovaciyalar — ónimler islep shıǵarıwdıń salıs-
tırmalı jetilisken usılların qollanıw. Bunda ónim islep shıǵarıw 
texnologiyasına jańa ózgerisler kirgiziledi.
Shólkemlestiriwshilik-basqarıwǵa baylanıslı innovaciyalar — ón-
diris, transport, satıw hám támiynattı shólkemlestiriw menen 
baylanıslı procesler. Siz kárxanadaǵı bar shólkemlestiriwshilik- 
basqarıw procesleri mazmunında jańa ózgerislerdi ámelge asırasız. 
Xabarǵa baylanıslı innovaciyalar — kárxana innovaciyalıq xızme-
tinde maǵlıwmat alıw, onıń isenimliligi hám tezligin támiyinlew 
menen baylanıslı procesler. Ásirese, házirgi xabar-kommunikaciya 
texnologiyaları tez rawajlanıp atırǵan bir waqıtta usı baǵdar zárúr 
áhmiyetke iye bolmaqta.