Учебное пособие для вузов. Т.: Тфи, 2019. с. A. S. Djuraev- doctor of Economics, Professor of the Department of «Taxes and Taxation»
Soliq solinadigan ob‟ektlarning hisobini olib bormaslik hamda soliq
Download 4.14 Mb. Pdf ko'rish
|
SOLIQ MA‟MURCHILIGI OQUV QOLLANMA
4.Soliq solinadigan ob‟ektlarning hisobini olib bormaslik hamda soliq
hisobotini taqdim etish tartibini buzish natijasida tegishli choralarni qo‟llash. Foyda (daromad) yoki soliq solinadigan boshqa ob‘ektlarning hisobini olib bormaslik yoxud bunday hisobni belgilangan tartibni buzgan holda olib borish, basharti bu harakatlar to‘lanishi lozim bo‘lgan soliq yoki boshqa majburiy to‘lovlarning summasini kamaytirishga olib kelsa, shuningdek byudjetga va byudjetdan tashqari fondlarga soliqlarni, boshqa majburiy to‘lovlarni hisoblab chiqarish va to‘lash uchun zarur bo‘lgan soliq hisobotlarini, hisob-kitoblarini hamda boshqa hujjatlarni taqdim etmaslik, o‘z vaqtida taqdim etmaslik yoki belgilanmagan shaklda taqdim etish, xuddi shuningdek kameral nazorat natijalari bo‘yicha aniqlangan tafovutlar asoslarini yoxud aniqlashtirilgan soliq hisobotini belgilangan muddatda taqdim etmaslik, O‘zbekiston Respublikasining Ma‘muriy javobgarlik to‘g‘risidagi kodeksning 175-moddasiga muvofiq, eng kam ish haqining bir baravaridan uch baravarigacha miqdorda jarima solishga sabab bo‘ladi. Xuddi shunday huquqbuzarlik ma‘muriy jazo chorasi qo‘llanilganidan keyin bir yil davomida takror sodir etilgan bo‘lsa, - eng kam ish haqining uch baravaridan o‘n baravarigacha miqdorda jarima solishga sabab bo‘ladi. Debitorlik va kreditorlik qarzi muddatlarini o‘tkazib yuborish, O‘zbekiston Respublikasining Ma‘muriy javobgarlik to‘g‘risidagi kodeksning 175-moddasiga muvofiq, mansabdor shaxslarga eng kam ish haqining o‘n baravaridan o‘n besh baravarigacha miqdorda jarima solishga sabab bo‘ladi. 139 Kameral nazorat jarayonida aniqlangan ma‘muriy huquqbuzarlik holatlari bo‘yicha tuzilgan ma‘muriy huquqbuzarlik to‘g‘risidagi bayonnoma rasmiylashtirilgan talabnoma bilan birga, tuzilgan kundan e‘tiboran keyingi ish kunidan kechiktirmasdan soliq to‘lovchi davlat ro‘yxatidan o‘tgan joydagi Davlat soliq xizmati organida Davlat soliq qo‘mitasining 2011 yil 10 martdagi 66-sonli buyrug‘i bilan tasdiqlangan ―Davlat soliq xizmati organlari Navbatchi qismlarining faoliyatini hamda soliqqa oid huquqbuzarliklar to‘g‘risidagi materiallarni ro‘yxatga olish va ularning hisobini yuritishni yanada tartibga solish chora-tadbirlari to‘g‘risida‖gi Tartibiga binoan ro‘yxatga olinadi. Ma‘muriy huquqbuzarlik to‘g‘risidagi bayonnomani tuzish, ma‘muriy ishni yuritish, ko‘rib chiqish va jazo choralarini qo‘llash Davlat soliq qo‘mitasining 2010 yil 11 martdagi 59-son buyrug‘i bilan tasdiqlangan ―Soliq to‘g‘risidagi qonun hujjatlarining buzilishiga doir ma‘muriy ishlarni ko‘rib chiqishni tashkil etish to‘g‘risida Yo‘riqnoma‖ga asosan amalga oshiriladi. Soliq kodeksining 115-moddasiga asosan, Soliq hisobotini o‘z vaqtida taqdim etmaganlik yoki kameral nazorat natijalari bo‘yicha aniqlangan tafovutlar asoslarini yoxud aniqlashtirilgan soliq hisobotini belgilangan muddatda taqdim etmaganlik uchun soliq to‘lovchi - yuridik shaxsning mansabdor shaxsi yoki soliq to‘lovchi - jismoniy shaxs ma‘muriy javobgarlikka tortiladi. Soliq to‘lovchi qayd etilgan manzilda bo‘lmaganda, soliq hisoboti va (yoki) moliyaviy hisobot, kameral nazorat natijalari bo‘yicha tafovutlarning asoslari yoxud aniqlashtirilgan soliq hisoboti belgilangan muddatda taqdim etilmaganda O‘zbekiston Respublikasining Soliq kodeksi 96-moddasiga asosan soliq to‘lovchining banklardagi hisobvaraqlari bo‘yicha operatsiyalarni to‘xtatib turish to‘g‘risidagi ariza bilan sudga murojaat qilinadi. Soliq to‘lovchi tomonidan, davlat soliq xizmati organining kameral nazorat natijasi bo‘yicha yuborgan talabnomasi olingan kundan e‘tiboran o‘n kunlik muddatda talabnomada ko‘rsatilgan xatoliklar yoki ziddiyatlar bo‘yicha tuzatilgan soliq hisoboti yoxud aniqlangan tafovutlarning asoslari taqdim etilmagan taqdirda, 140 asosan soliq to‘lovchining banklardagi hisobvaraqlari bo‘yicha operatsiyalarni to‘xtatib turish to‘g‘risidagi ariza bilan sudga murojaat qilinadi. Download 4.14 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling