Uliwma pedagogika

Milliy bag`darlama u`sh basqish arqali a`melge asiriladi. 

Birinshi basqishta (1997—2001); za`ru`r bolg`an xuqiqiy, ilimiy metodikaliq, qarji-
materialliq xa`m basqa da jag`daylar jaratildi, bilim mazmuni qayta qaraldi xa`m tu`pten 
jan`alandi, qa`nigelerdi tayarlaw xa`m qayta tayarlaw jan`a zaman talabina ilayiq
sho`lkemlestirildi, ma`mleketlik bilimlendiriw standarti, jan`a pedagogikaliq, xabar, baylanis 
texnologiyalari islendi xa`m turmisqa engizildi, oqiw orinlarinin` materialliq-texnikaliq, oqiw-
metodikaliq xa`m qa`nigeler bazasi tayarlandi, qarji ma`seleleri jetilistirildi, ba`sekili ortaliq 
payda etildi, reyting xa`m monitoring sistemasi du`zildi, xaliqaraliq baylanislar rawajlandirildi,
bilimlendiriwge shet el investitsiyalarin tartiw ila`jlari islendi, bag`darlamani a`melge asiriwg`a 
baylanisli aniqliqlar kiritildi.

Ekinshi basqishta (2001-2005); toplang`an ta`jiriybeler tiykarinda bag`darlamag`a
aniqliqlar kiritildi, akademiyaliq litseyge, ka`siplik kolledjge o`tiw toliq a`melge asirildi, kadrlar 
menen ta`miyinlendi, olardin` xizmetinde ba`sekili ortaliq payda etildi, bilimlendiriw
ma`kemelerinin` 
materialliq-texnikaliq,
oqiw-metodikaliq 
bazasi
jetilistirildi, 

jan`a
pedagogikaliq, xabar, baylanis texnologiyalari menen ta`miyinlendi. 

U`shinshi basqishta 2005 xa`m onnan keyingi jillar; aldag`i jillarda toplang`an
ta`jiriybeler negizinde qa`nigeler tayarlaw sistemasi jetilistirildi xa`m rawajlandirildi, oqiw-
ta`rbiya ma`kemelerinin` oqiw-materialliq, ilimiy-metodikaliq bazasi bekkemlendi, qa`nigeler
jan`a pedagogikaliq, xabar, baylanis texnologiyalari menen toliq ta`miyinlendi, milliy joqari 
oqiw orinlari du`zildi xa`m rawajlandirildi, ka`sip-o`ner orinlarinin` o`zbetinsheligi, o`zin-o`zi
basqariwi jetilistirildi 


2. Kadrlar tayarlawdin` milliy modeli
Kadrlar tayarlawdin` milliy bag`darlamasi negizinde ja`xa`nde uqsasi joq qa`nigeler 
tayarlawdin` milliy modeli jaratildi. Milliy modeldin` tiykarg`i bo`limleri minalardan ibarat;

I. Shaxs - bul qa`nigeler tayarlaw sistemasinin` bas sub`ekti xa`m ob`ekti, bilimlendiriw
tarawindag`i xizmetlerdi paydalaniwshi xa`m turmisqa asiriwshi Adam 


Shaxs - o`zinin` aqil-oyin rawajlandiriwg`a, do`retiwshilik uqibin jetilistiriwge, qayta
tayarliqtan o`tiwge, o`zligin xa`r ta`repleme ju`zege shig`ariwg`a mu`mkinshilik aladi, bilimdi 
alip, ka`sipti iyelegennen keyin o`ndiriste, ilim-pa`n, ma`deniyat xa`m basqa tarawlarda xizmet
isleydi, o`zinin` bilimin, ta`jiriybesin jaslarg`a u`yretiwge belsene qatnasadi