Uliwma pedagogika

Oqiwshini klasstan shig`arip jiberiw. Jazalawdin` bul tu`ri ta`rtipsizlik ju`de shegine
jetken waqitta qollaniladi, yag`niy oqiwshi qayta-qayta so`yley berse, ku`le berse, ta`rtipsizlik 
islep oqiwg`a kesent etse klasstan shig`arip jiberiledi. Oqiwshini klasstan shig`ariw waktinda oni
qorqitpay, onin` jeke ar namisina tiyetug`in so`z aytpay, tek g`ana klasstan shig`ip ketiwin talap 
etiw kerek. Klasstan shig`arilg`an oqiwshi direktordin` yamasa oqiw bo`limi baslig`inin` aldina
baradi xa`m tu`sinik beredi. Biraq bul metodti qollana beriwge bolmaydi, sebebi ayrim 
oqiwshilar bug`an u`yrenip ketse, sabaq jaqpag`an waqitlari ta`rtipsizlik islep tezirek erkinlikke
shig`iug`a xa`reket etedi. Sonliqtan, onin` ornina ko`birek eskertiw xa`m xa`zil ku`lki 
paydalansa jaqsi na`tiyjeler beredi.

Oqiwshini pedagogikaliq ken`eske shaqiriw. Ayrim jag`daylarda oqiwshi ta`rtipsizlikti
bir neshe ma`rtebe ta`kirarlaydi xa`m minez -qulqin du`zetiwge shara qollanbaydi. Bunday 

---

jag`daylarda oqiwshig`a akil aytiw, uyaltiw maqsetinde oni pedagogikaliq ken`eske shaqiriwg`a

boladi. Oqiwshi ol jerde o`z minez-qulqi xaqqinda aytadi. Mug`allimlerdin`, ata-analar komiteti 
ag`zalarinin`, direktordin` ken`eslerin tin`laydi. Bunday pedagogikaliq ken`eske tu`sken
oqiwshilardan du`zelmeytug`ini og`ada az ushirasadi. Biraq mu`mkinshiligi bolg`anshelli balani 
pedagogikaliq ken`eske tu`sirmew kerek, al onin` ornina ondag`i kemshiliklerdi saplastiriw
jollarin ko`rsetiwi kerek. 


Minez-qulqina qoyilatug`in baxani kemitiw. Oqiwshinin` minez-qulqina Baxa xa`r bir
sherektin` xa`m oqiw jilinin` axirinda qoyiladi. Oqiwshinin` minez-qulqi «u`lgili», 


«qanaatlandirarli», «qanaatlandirarsiz» degen baxalar menen baxalanadi. Oqiwshinin`
minez-qulqina qoyilatug`in baxani kemitiw, bul awir jazalardin` tu`rine jatadi. Sebebi, «u`lgili» 
baxasi qizig`iwshiliq penen oqiytug`in, ja`miyetlik jumislarg`a aktiv qatnasatug`in oqiwshilarg`a
qoyiladi. «Qanaatlandirarliq» baxasi mekteptin` tiykarg`i talaplarin orinlaytug`in oqiwshilarg`a 
qoyiladi. «Qanaatlandirarsizliq» baxasi o`z waziypalarina juwapkersizlik penen qaraytug`in,
mektep talaplarin moyinsinbaytug`in oqiwshilarg`a qoyiladi. «Qanaatlandirarsizliq» baxasin 
alg`an oqiwshilarg`a, mektepti pitkergeni menen attestat berilmeydi. Sonliqtan oqiwshi minez-
qulqina qoyilatug`in baxani kemitkende abaylap, a`ytewir na`rse ushin kemite bermew kerek. 
Baxasin kemitken waqitta oqiwshi narazi bolmaslig`i ushin ne sebep kemitip atirg`anin`di
tu`sindirip beriw kerek.