Умумий қоидалар 1-модда. Ушбу Қонуннинг мақсади

16-модда. Қонун лойиҳаларининг умумхалқ муҳокамасига доир тадбирларни 
ташкил этиш 
Олдинги
 таҳрирга қаранг. 
Давлат органлари, фуқароларнинг ўзини ўзи бошқариш органлари, корхоналар, 
муассасалар, ташкилотлар, сиѐсий партиялар, бошқа жамоат бирлашмалари ва оммавий 
ахборот воситалари, Ўзбекистон Республикаси Олий Мажлиси Қонунчилик палатасидаги 
сиѐсий партиялар фракциялари, шунингдек Қонунчилик палатаси депутатлари сайлов 
округларида қонун лойиҳаларининг умумхалқ муҳокамасига доир тадбирларни ташкил 
этадилар. 
(16-модда Ўзбекистон Республикасининг 2019 йил 4 сентябрдаги ЎРҚ-563-сонли 
Қонуни 
таҳририда — Қонун ҳужжатлари маълумотлари миллий базаси, 05.09.2019 й., 03/19/563/3685-сон — 
2020 йил 1 январдан кучга киради) 
17-модда. Қонун лойиҳаларининг умумхалқ муҳокамасини ўтказиш учун шарт-
шароитларни таъминлаш 
Давлат органлари қонун лойиҳаларининг умумхалқ муҳокамасини ўтказиш учун: 
қонун лойиҳаларини оммавий ахборот воситаларида эълон қилиш; 
қонун лойиҳаларининг муҳокамасига доир тадбирларни ташкил этиш ва ўтказишга 
кўмаклашиш; 
қонун лойиҳалари умумхалқ муҳокамасининг бориши ва якунлари тўғрисидаги 
ахборотни оммавий ахборот воситаларида тарқатиш йўллари билан зарур шарт-шароитларни 
таъминлайдилар. 
18-модда. Қонун лойиҳаларини муҳокама қилиш 
Умумхалқ муҳокамасига қўйилган қонун лойиҳалари давлат органларининг 
мажлисларида, фуқаролар йиғинларида, корхоналар, муассасалар, ташкилотлар, сиѐсий 
партиялар ва бошқа жамоат бирлашмаларида, ҳарбий хизматчиларнинг йиғилишларида, 
оммавий ахборот воситалари орқали муҳокама қилиниши мумкин. 
19-модда. Қонун лойиҳалари умумхалқ муҳокамаси иштирокчиларининг 
таклиф ва мулоҳазалари 
Қонун лойиҳалари умумхалқ муҳокамаси иштирокчиларининг таклиф ва 
мулоҳазалари якка тартибда ѐки жамоа тарзида, оғзаки ѐки ѐзма шаклда киритилади. 
Қонун лойиҳаси юзасидан таклиф ва мулоҳазаларда фуқаронинг фамилияси, исми, 
отасининг исми, унинг турар жойи, тегишли органнинг, ташкилотнинг номи ва почта 
манзили кўрсатилади. Қонун лойиҳаси юзасидан таклиф ва мулоҳазалар имзоланган бўлиши 
керак. 

---

Қонун лойиҳаси юзасидан белгиланган тартибда киритилган таклиф ва мулоҳазалар 
кўриб чиқилиши шарт. Таклиф ва мулоҳазаларни қабул қилиб олишни рад этиш 
тақиқланади. 
Қонун лойиҳалари умумхалқ муҳокамаси иштирокчиларининг таклиф ва 
мулоҳазалари тавсия ва маслаҳат хусусиятига эга бўлади.