Umumkasbiy fanlarni o‘qitish asosida bo‘lajak muhandislarni loyihaviy-konstruktorlik kompetentligini rivojlantirish metodikasi

Tadqiqotning vazifalari: muhandisning ilmiy-texnik taraqqiyot asosida loyihaviy-konstruktorlik kompetentligi mazmunini takomillashtirish;
bo‘lajak muhandislarning loyihaviy-konstruktorlik kompetentligini rivojlantirishda muhandislik-grafik tayyorgarlik imkoniyatlarini o‘rganish orqali amaliy taʼlimni tashkil etish metodikasini takomillashtirish;
bo‘lajak muhandislarda loyihaviy-konstruktorlik kompetentlikni rivojlantirish metodikasini ularning loyihaviy-konstruktorlik kompetentligini rivojlantirish modeli asosida takomillashtirish;
bo‘lajak muhandislarning loyihaviy-konstruktorlik kompetentligini rivojlantirishga xizmat qiluvchi elektron taʼlim resurslari hamda o‘quv-uslubiy taʼminotini yaratish va amaliyotga joriy etish;
bo‘lajak muhandislarning loyihaviy-konstruktorlik kompetentligini rivojlantirish bo‘yicha tajriba-sinov ishlarini tashkil etish, o‘tkazish va olingan natijalarga matematik-statistik qayta ishlov berish.
Tadqiqotning obʼekti sifatida- bino va inshootlar qurilishi yo‘nalishi bo‘yicha bo‘lajak muhandislarni tayyorlash jarayoni olingan.
Tadqiqotning predmeti- bo‘lajak muhandislarning loyihaviy-konstruktorlik kompetentligini rivojlantirish mazmuni, shakl, metod va vositalari.
Tadqiqotning ilmiy yangiligi quyidagilardan iborat:
bo‘lajak muhandislarning loyihaviy-konstruktorlik kompetentligi mazmunini tizimli-faoliyatli yondashuv asosida chuqurlashtirish orqali ularni kasbiy faoliyatga tayyorlashning funksional (didaktik, metodik, diagnostik) imkoniyatlari takomillashtirilgan;
“effective practical result”, “team creative collections” va “buddying” kabi interfaol taʼlim metodlarining samarali imkoniyatlaridan foydalanish orqali umumkasbiy fanlaridan amaliy taʼlimni tashkil etish metodikasi takomillashtirilgan;
innovatsion xarakterli ijodiy-loyiha, for-eskiz, kombinatorika, dekonstruksiya, andozani gradatsiyalash, eskizni stilizatsiyalash va transformatsiyalash topshiriqlarini bajarish bosqichlari kasbiy ehtiyojlar va ish beruvchi talablarini maksimal qanoatlantirishga qaratilgan “NanoCAD”, “Marvelous Designer” kabi kompyuter dasturlaridan foydalanish orqali ishlab chiqilgan;
talabalarni loyihaviy-konstruktorlik kompetentligini rivojlantirishga imkon beruvchi didaktik taʼminotini ishlab chiqish natijasida kasbiy tayyorgarlik darajalarini moslashish shartlari asosida baholash parametrlarini tarkibiy tashkil etuvchilari mazmuni (motivatsion-qadriyatli, ijodiy-faoliyatli, operatsion-texnologik) takomillashtirilgan.