Қурилишни ташкил этиш ва режалаштириш

Дендрарий ёки дендропарк -очиқ жойда аниқ режа бўйича турли хил дарахт ва бутулардан тузилган махсус боғ ёки ботаник боғнинг бир қисми.

Дизайн - лойиҳа маъносини беради. Ландшафт архитектурасида дизайн сўзи “меъморий муҳит дизайни” маъносида англашилиб, у ушбу муҳитда бадиийлик асосида яратилган яшил ўсимликлар, гулзорлар, сув ҳавзалари, гоепластика, ташқи ободонлаштириш элементлари, шу жумладан мўъжаз меъморий шакллар ва тўшамаларни ҳам қамраб олувчи ижодий соҳа.

Кариатида -устун сифатида фойдаланилган аёл қоматининг ҳайкалли тасвири. Агар ҳайкал устунда эркак қомати тасвирланган бўлса, у атлант деб аталган.

Клумба -очиқ майсазорда доира ёки тўгарак тарҳда шакллантирилган дарахтлар ва буталар гуруҳи; XIX аср ўрталаридан клумба деб мунтазам режали паркларнинг йўлаклари кесишган, биноларнинг кириш жойлари олдида, ҳайкаллар тагкурсилари ёнида ишланган нисбатан кичик гулзорларга айтила бошлади.

Композиция-санъат асарининг барча элемент ва қисмлари яхлит бир гармоник тизимда ташкил этиш ва бирлаштириш. Боғ-паркчилик композицияси асосан икки-режавий ва ҳажмий қисмлардан таркиб топади. Ранглар нисбати ҳам композициянинг муҳим элементиларидан биридир.

Конраст-шакл ёки ранглар орасидаги яққол сезилувчи фарқ, ҳолат. Курдонер –Сарой, кўшк, қасрларнинг боғ кўринишдаги ҳашаматли ҳовлиси, кўча томонидан сийрак тўсиқ, қолган томонларидан П-симон тарҳлик биноларининг қисмлари ёки корпуслари орқали тўсилган.

Кўшк, киоск-тўрт устунли, томи қубали енгил қурилма; павильон; боғ ичидаги зебу-зийнатли айвон, кошона, сарой, қаср. Киоск савдога мўлжалланган енгил мўъжаз меъморий қурилма тарзида кенг тарқалган.

Лабиринт-ўрта аср боғларида баланд яшил тўсиқлар тарзида қайин ёки жўка дарахт ва буталардан тузаб ишланган адаштирувчи чалкаш йўлаклар.

Ландшафт-очиқ ҳавода ишлаш ва дам олиш учун яратилган, таркиби табиий (ўсимликлар, рельеф, тупроқ, сув, ҳайвонот дунёси)ва сунъий (меъморий муҳҳандислик иншоотлари) ишланмалар билан бадиий ва экологик қонуниятлар асосида шакллантирилган ҳудуд.