Қурилишни ташкил этиш ва режалаштириш

Аранжировка-гулдаста, гулдон, сават, гул, маржон, гулчамбарлардаги гуллар ва баргларни ўзаро мослаб, уйғун жойлаштириш санъати.

Архитектаравий боғ-боғ иморатлари ва бошқа сунъий яратилган иншоотлар кўпликни ташкил қилган ва муайян композиция асосида яратилган боғлар тури.

Атрий, атриум-қадимги юнонлар ёки римликлар уйларининг ўрталик қисмида жойлашган ва уй хоналаридан чиқиладиган ёпиқ ички ҳовли. Атриум марказида ҳовуз (иплювий) ва унинг устида ёмғир сувлари оқиб тушадииган туйнук (комплювий) ўрнатилган.

Аха-боғ ёки пракнинг атроф-муҳит ландшафтини кўришга тўсиқ бўлмайдиган чегараси: боғ чегараси бўйлаб ўтиб бўлмайдиган чуқур қазиш ва уни кўкаламзорлаштириш орқали эришилган. XVIII-XIX аср боғларида тўсиқ вазифасини бажарган услуб Англия “Ха-ха”, Россияда “Ах-ах” ёки “аха” деб номланган. Боғ манзараси гўзалликларидан завқланиб бораётган кишилар кўз олдида фавқулотда серсув канал пайдо бўлганда, улар бехосдан “ах-ах” деб юборишган. Айтишларича, бу услубнинг номи шундан келиб чиққан.

Банзай, бансай-мўъжаз дарахтларни ўстириш санъати. Илк бор Японияда вужудга келиб, мўъжаз боғлар яратишда кенг қўлланилган.

Барокко-Италияда кейинчалик Ғарбий Оврупада XVI аср охиридан то XVIII аср ўрталаригача кенг тарқалган серҳашам бадиий услуб. У ўзининг контрастлиги, шаклларнинг ўйноқлиги, ҳаракатчанлиги, ҳиссиётларни қўзғатувчанлиги, серҳашамлилиги билан ажралиб турган. Барокко услубидаги боғлар ўзининг ана шу томонлари билан бошқа боғлардан фарқ қилган.

Берсо, биндаж-ярим доира шаклидаги равоқли синчлар ёрдамида усти дарахт шох-шаббалари билан ёпилган сояли хиёбон; ана шундай равоқли ёпиқ хиёбон билан айлантирилган боғ ва паркларда қўлланилган.

Боскет-тиғиз дарахтлар ёки буталардан тузилган ва яшил тўсиқ Билан чегараланган холис кенг жой. Барокко юоғлари ичидаги ана шундай ёпиқ яшил холисона муҳитлар “кибинет”Лар ёки “яшил зал”Лар деб номланган.