Сифатни бошқаришнинг ўзи бошқарувчи ва бошқарилувчи тизимларга ажратилади. Бошқарувчи тизим ташкилотни бошқаришнинг турли даражаларидан иборат. Бошқарувчи тизим сифат менежментини яратади. Бошқариш тизими олий бўғин рахбарларидан бошланади. Айнан олий бўғин рахбарлари фирма олдингидан кўпроққа қодир деган стратегиядан келиб чиқиши керак. Фирмани ташкилий тузилмасида сифатни бошқариш бўйича ишларни мувофиқлаштирувчи махсус бўлинмалар назарда тутилиши мумкин. Сифатни бошқариш функциялари бўлинмалар ўртасида тақсимланиши фирма фолияти ҳажми ва хусусиятларига боғлиқ.
Менежмент объекти бўлмиш сифатга менежментнинг барча таркибий қисмлари хос: режалаштириш, таҳлил, назорат.
Сифатни бошқариш йўналишини корхонада белгилаб олиниши корхонанинг ички бошқарув ва ишлаб чиқариш ҳамда молиявий шароитларини ҳисобга олган ҳолда амалга оширилади. Унда сифат бошқарувини ташкил этишнинг қуйидаги йўналишларидан бири ёки бир нечтаси мажмуавий тартибда танлаб олинади ва қўлланилади.
Корхонада сифат бошқарувини ташкил этиш йўналишлари
Бошқарувда алоҳида тузил мани ташкил этиш йўналиши
Ишчи комиссия тузиш йўналиши
Кўнгилли ишчи гуруҳ тузиш йўналиши
Вақтинчалик ёлланма мутахассисни жал б этиш йўналиши
Илмий тадқиқот институтлари ва консалтинг корхоналар пуллик хизматидан фойдаланиш йўналиши
