Узбекистон республикаси согликни саклаш вазирлиги тиббий таълимни ривожлантириш маркази андижон давлат тиббиёт институти

Терминал боскич. Упка шаклида пневмония аломатлари устувор булиб, 57% холларда бу касаллик пневмоцисталар томонидан чакирилса, 43% холларда цитомегаловирус инфекцияси чакиради. Айрим холларда микобактериялар, криптококклар, кокцидоидоз, аспергиллалар, гистоплазмалар, токсоплазмалар, оддий герпес вируслари томонидан хам пневмония чакирилади.
Неврологик шакли. ОИВ-инфекциясида асаб тизими 90-95% шикастланади. Энцефалопатиялар, менингит, энцефалит, миелопатия, бош миянинг учокли касалликлари учрайди. Уларнинг сабабчилари: токсоплазмалар, криптококкоз, ЦМВ, гистоплазмоз ва бошка оппортунистик инфекциялар. Айрим холларда мия абсцесслари, лимфомалар кузатилади. Деменция аломатлари нейронларнинг бевосита зарарланиши билан боглик.
Ошкозон-ичак шакли. Асосий клиник белгиси персистирловчи ёки рецидивловчи диареядир.унинг натижасида организмда сувсизланиш, токсикоз, эксикоз, интоксикация аломатлари ривожланади, тана вазни узлуксиз пасая боради. Бунинг сабабчилари: амёбалар, лямблиялар, шигеллалар, салмонеллалар, микобактериялар, кокцидиялар, криптоспоридиялар.
Хароратли шакли. Бу клиник турининг асосий белгиси доимий ёки эпизодик кузатилувчи хароратнинг фебрил кутарилишидир, унинг натижасида бемор тана вазни пасайиб кетади (озиб кетади).
Тери шакли. Бу клиник турининг энг асосий клиник белгиси Капоши саркомасидир (КС). ОИВ-инфекциясига чалинган беморларда КСнинг висцерал ва дермал клиник шакллари тафовут килинади. Висцерал шаклида дастлаб ички аъзолар, айникса овкат хазм килиш тизими касалликка чалинади, тери эса ундан кейин иккиламчи булиб жараёнга кушилади. Дермал шаклида биринчи булиб тери ва шиллик каватлар касалликка учрайди. КС учун ОИТСда келганда куйидаги белгилар хосдир: беморнинг нисбатан ёшлиги, элементларнинг ранги ёркин ва тиник, ноодатий сохаларда жойлашиш, тезда диссиминацияга учраш, агрессив кечиш, лимфа тугунлари ва ички аъзоларнинг жараёнга жалб килиниши.
ОИВ-инфекциясининг терминал даврида оппортунистик инфекциялардан ташкари хар бир регион учун хос булган эндемик инфекцион касалликлар хам куп учрайди. Булар сил касаллиги, салмонеллалар ва бошка инфекциялар.
Тромбоцитопеник пурпура ОИВ-инфекциясида 9% холгача учрайди, бунда тромбоцитлар сони 50 000 мкл дан пасайиб кетганда геморрагиялар кузатилади.