Узбекистон республикаси согликни саклаш вазирлиги тиббий таълимни ривожлантириш маркази андижон давлат тиббиёт институти

Атипик шанкрлар.
Атипик шанкрлар кейинги вактда кам учрайди, лекин узига хос кечиши билан касалликни аниклашда анча кийинчиликлар тугдиради. Шунинг учун каттик шанкрнинг бу формаларини билиш хамма врачлар учун зарурдир.
Атипик шанкрларга: а) индуратив шиш, б) шанкр панариций, в) бодомча безларидаги шанкр (шанкр амигдалит) ва К.Р.Аствацатуров туртинчи килиб, г) фунгозли шанкрни кушади.
Индуратив шиш– купинча аёлларда катта-кичик жинсий лабларда, эркакларда эса преауциал холтача ва машонкада каттик шанкр жойлашганда булади. Бунда шикастланган орган каттик, зич булиб, размери 2-4 марта катталашади. Жарохатланган жойда тери ранги тук-кизил, кукимтир булади. Бошка шишлардан фаркли индуратив шишда жарохатланган жой бармок билан босилса, чукурча колмайди. Жарохат узок вакт давом этиши мумкин, баъзан индуратив шиш каттик шанкрсиз булиши мумкин.
Шанкр амигдалит – асосан бузук аёл ва эркакларда норасмий жинсий алока килганда учрайди. Бунда спирохета тугридан –тугри бодомча безларини жарохатлайди.
Шанкр амигдалит уч хил формада учраши мумкин – эрозиясимон, ярасимон ва ангинасимон.Эрозия ва ярасимон формаларида бодомча безида оваль шаклидаги кичкина чимчалок тирногича келадиган эрозия ёки яра хосил булади. Уларнинг чеккалари текис, туби эсаси силлик булади: хуллас терида учрайдиган эрозияли ёки ярасимон каттик шанкрни эслатади. Ангинасимон формасида диагноз куйиш кийин булиб, врачларни купинча адашишга олиб келади. Бунга оддий ангинадан фарк килиб, касалда истима унча юкори чикмайди, огрик кучли булмайди.
Асосан бодом бези бир томонлама жарохатланиб, каттик булади. Жаг ости ва буйин лимфа тугунлари катталашади. Оддий ангинадан фарк килиб, шанкр амигдалитда йирингли пробка булмайди.
Хасмол – шанкр. Каттик шанкрнинг бу формаси купрок врачларда (хирург, лор, стоматолог, лаборант, патонатом) учрайди, хамда кул бармокларнинг тирнок атрофларида жойлашади.
(Бизнинг практикада учраган касаллардан мисоллар)
Панарициясимон – шанкрда хам уч хил форма эрозияли, ярасимон ва халкасимон булиши мумкин. Касаллик бошланишида жарохатланган жойда эрозия ёки язва хосил булиб, шу вактнинг узида жарохатланган жой зичлашиб – каттиклашади. Панжа шишиб, катталашади ва каттик булади. Жарохатланган жой териси кукимтир – тук кизил рангда булади.
Шу вактда култик ости ва тирсак безлари катталашади. Хасмол шанкр асосан огрик билан кечади, шунинг учун оддий хасмолдан фарк килиш кийинрок.
Оддий хасмолдан беморда истима чикади, огрик кучли булади, лимфа безлари купинча катталашмайди ва яра юзасида улган тукималар булади. Хасмол – шанкр купрок врачларда учрагани учун, касаллик бошланишида, оддий хасмол каби даволанади ва купинча касаллик иккиламчи захм даврида аникланади (мисоллар).