Vaqtinchalik nizom

2-bob. Departamentning vazifalari va funksiyalari 
6. Quyidagilar departamentning asosiy vazifalari hisoblanadi: 
a) iqtisodiy va ijtimoiy sohaning ustuvor yoʼnalishlarida davlat-xususiy 
sheriklikni rivojlantirish hamda davlat funksiyalarini qisqartirish boʼyicha tarmoq 
dasturlarini ishlab chiqish; 
b) davlat-xususiy sheriklik loyihalarining samaradorligi va afzalliklarini 
baholash hamda davlat funksiyalarini qisqartirish uslubini ishlab chiqish, ushbu 
loyihalarni tayyorlash va amalga oshirishni uslubiy jihatdan qoʼllab-quvvatlash; 

---

d) davlat-xususiy sheriklik sohasidagi loyihalarni amalga oshirishda 
idoralararo muvofiqlashtirishni taʼminlash, shuningdek, loyihalar toʼgʼrisidagi 
axborotni ochiq holda joylashtirish va ularning reyestrini yuritish; 
e) davlat-xususiy sheriklikni rivojlantirish dasturlarini amalga oshirish, shu 
jumladan muayyan loyihalar konsepsiyalarini ishlab chiqishda vazirliklar, idoralar, 
xoʼjalik birlashmalari va mahalliy davlat hokimiyati organlariga koʼmaklashish; 
f) davlat-xususiy sheriklikni rivojlantirish masalalarida investorlar, xalqaro 
moliya va donor tashkilotlari, ilmiy va ekspert hamjamiyatlari, shuningdek, 
bozorning boshqa ishtirokchilari bilan hamkorlikni tashkil etish; 
davlat-xususiy sheriklik loyihalari ishtirokchilarining huquqlari va qonuniy 
manfaatlarini himoya qilishga har tomonlama koʻmaklashish, loyihalarni 
moliyalashtirish mexanizmlari, shu jumladan yuzaga kelishi mumkin boʻlgan 
tavakkalchiliklarni aniqlash va taqsimlash yuzasidan ularning takliflarini koʻrib 
chiqish; 
g) xususiy sektorga oʻtkazilgan davlat funksiyalari amalga oshirilishini 
monitoring qilish; 
h) davlat-xususiy sheriklik loyihalarini, shuningdek, tegishli tarmoqlardagi 
xalqaro tajribani inobatga olgan holda loyihalarni tayyorlash va amalga oshirish 
amaliyotini monitoring qilish. 
davlat-xususiy sherikligi asosidagi loyihalarga davlat tomonidan qoʻllab 
quvvatlash boʻyicha tegishli qismini koʻrib chiqadi 
7. Departament oʻziga yuklangan vazifalarga muvofiq quyidagi funksiyalarni 
bajaradi: 
a) iqtisodiy va ijtimoiy sohaning ustuvor yoʼnalishlarida davlat-xususiy 
sheriklikni rivojlantirish hamda davlat funksiyalarini qisqartirish boʼyicha tarmoq 
dasturlarini ishlab chiqishda ishtirok etish va davlat-xususiy sheriklik loyihalari 
ishtirokchilarining huquqlari va qonuniy manfaatlarini himoya qilishga har 
tomonlama koʻmaklashish sohasida: 
davlat-xususiy sheriklikni rivojlantirish va davlat funksiyalarini qisqartirish 
dasturlarini va loyihalar konsepsiyalarini ishlab chiqishda vazirliklar, idoralar
va xoʻjalik birlashmalariga koʻmaklashadi;
davlat-xususiy sheriklik mexanizmlarini joriy qilish uchun istiqbolli 
tarmoqlarni va ustuvor yoʻnalishlarni tizimli tahlil qiladi hamda natijalari boʻyicha 
davlat-xususiy sheriklikni yanada rivojlantirish yuzasidan belgilangan tartibda 
Oʻzbekiston Respublikasi Vazirlar Mahkamasiga taklif kiritadi; 
davlat-xususiy sheriklikni rivojlantirish boʻyicha strategik vazifalarni aniq 
bilish va amaliy yechimlarni ishlab chiqish asosida iqtisodiyot hamda ijtimoiy 
sohaning ustuvor yoʻnalishlarida davlat-xususiy sheriklikni kompleks rivojlantirish 
dasturlarini ishlab chiqish, shakllantirish va kelishishda ishtirok etadi; 

---

davlat-xususiy sheriklik sohasidagi loyihalarni tayyorlash va amalga oshirish 
uchun maslahatchilarni jalb qilishda, shuningdek, ushbu maqsadlar uchun moliyaviy 
resurslarni topishda davlat sheriklariga koʻmaklashadi; 
vazirliklar, idoralar va xoʻjalik birlashmalari tomonidan ishlab chiqiladigan 
davlat-xususiy sheriklik loyihalarini kelishadi; 
davlat-xususiy sheriklik loyihalari ishtirokchilarining huquqlari va qonuniy 
manfaatlari himoya qilinishiga har tomonlama koʻmaklashadi; 
jismoniy va yuridik shaxslarning davlat-xususiy sheriklik masalasiga oid 
masalalari yuzasidan murojaatlarini koʻrib chiqadi; 
davlat-xususiy sheriklik masalalari boʻyicha qonunchilik hujjatlari buzilishini 
bartaraf etishga doir zarur harakatlarni belgilangan tartibda amalga oshiradi; 
byurokratizm, davlat-xususiy sheriklik masalalarini hal etish muddatlarini 
uzaytirish holatlarini aniqlaydi va bartaraf etadi.