Вазирлиги тошкент давлат иқтисодиёт университети

Узлуксиз таълим тизими ва турлари 
Узлуксиз таълим тизимининг фаолият олиб бориши давлат таълим 
стандартлари асосида, турли даражалардаги таълим дастурларининг изчиллиги 
асосида таъминланади ва қуйидаги таълим турларини ўз ичига олади: 
мактабгача таълим; 
умумий ўрта таълим; 
ўрта махсус, касб-ҳунар таълими; 
олий таълим; 
олий ўқув юртидан кейинги таълим; 
кадрлар малакасини ошириш ва уларни қайта тайёрлаш; 
мактабдан ташқари таълим. 
Кадрлар тайёрлаш миллий моделининг ўзига хос хусусияти мустақил 
равишдаги тўққиз йиллик умумий ўрта ҳамда уч йиллик ўрта махсус, касб-
ҳунар таълимини жорий этишдан иборатдир. Бу эса, умумий таълим 
дастурларидан ўрта махсус, касб-ҳунар таълими дастурларига изчил 
ўтилишини таъминлайди. 
Умумий таълим дастурлари: мактабгача таълим, бошланғич таълим (I-IV 
синфлар), умумий ўрта таълим (I—IX синфлар), ўрта махсус, касб-ҳунар 
таълимини қамраб олади. 

---

114 
Касб-ҳунар таълими дастурлари ўрта махсус, касб-ҳунар таълими, олий 
(бакалавриат, магистратура) таълим ва олий ўқув юртидан кейинги таълимни, 
кадрлар малакасини ошириш ва уларни қайта тайёрлашни қамраб олади. 
2. Ўзбекистонда узлуксиз таълим тизими.
Келажак авлод ҳақида қайғуриш соғлом, баркамол наслни тарбиялаб 
етиштиришга и нтилиш бизнинг миллий хусусиятимиздир. Маълумки, халқ 
таълимининг асосий бўғини узлуксиз таълим тизими ташкил этади. Шунинг 
учун ҳам бу масалага алоҳида эътибор қаратиш лозим. Узлуксиз таълимни 
давлат таълим стандартлари ва тегишли таълим дастурлари билан 
таъминлашда, аввало, уларнинг жахон талаблари даражасида бўлишига, юксак 
маънавият заминида кўрилганига асосий эътибор бериш лозим. Шунинг учун 
ҳам умумтаълим дастурларини мактабгача таълим, бошланғич таълим, 
умумий таълим ва мактабдан ташқари таълим тарзида тузиш мақсадга 
мувофиқдир.