Вазиятга ҳуқуқий баҳо беринг

Ушбу ҳолатда суд қандай ҳал қилув қарори чиқарар эди?


Мулк ижараси шартномаси ва унинг турлари. Текин фойдаланиш.
39. Фуқаро Авезов мулкдор Ҳамроевга тегишли бўлган 2 хонали хонадонни мулкдорнинг вакили Собиров билан тузилган 213-сон ижара шартномаси асосида ижарага олди. Шартномага кўра ижарага берувчи ижарага олувчига уй-жойда яшаш учун Юнусобод тумани 14-даҳада жойлашган 2 хонали хонадонни 3 йил муддатга ойига 250 АҚШ доллори эвазига эгалик қилиш ва фойдаланишга топшириш мажбуриятини олди. Орадан олти ой ўтиб АҚШ валютасининг сўмдаги қиймати ошганлиги сабабли, ижара ҳаққини ҳам ойига 300 АҚШ доллорига ўзгартирилишини тарафлар келишишди. Бироқ орадан 2 ой ўтар-ўтмас АҚШ валютасининг миллий валютадаги қиймати шартнома тузилган вақтдаги ҳолатига қайтди. Ижарага олувчи Авезов мулкдор вакили Собировга ижара ҳаққини олдинги ҳолатига ўзгартиришни талаб қилди. Бунга жавобан мулкдор вакили ижара ҳаққини бир йилда фақат бир марта ўзгартириш мумкинлигини такидлаб рад жавобини берди. Фуқаро Авезов эса шартномани бир томонлама бекор қилиш учун судга даъво аризаси киритди.
Вазиятга ҳуқуқий баҳо беринг.


40. “Осиё” ишлаб чиқариш корхонаси ўзига мулк ҳуқуқи асосида қарашли бўлган Бекткмир тумандаги бинони текин фойдаланиш шартномаси асосида номуайян муддатга фуқаро Анваровга беради. Анваров якка тадбиркор сифатида ўз фаолиятини ушбу бинода бошлайди. Олинган даромаддан маълум миқдорда корхонага ҳам ёзма расмийлаштиришсиз ҳақ бериб турди. Маълум вақт ўтгач “Осиё” ишлаб чиқариш корхонаси ҳеч бир огоҳлантиришсиз ушбу бинони Анваровдан олиб қўйяди ва унинг фаолияти тўхтаб қолади. Натижада Анваров ўзининг мижозлари билан тузилган шартнома шартларини бажара олмай қолиб, олиши лозим бўлган фойдадан маҳрум бўлди.
Анваров корхона томонидан ижара шартномасини бекор қилиш бўйича талабнома берилмаганлиги ва қўққисдан шартнома бекор қилинганлиги сабабли зарар кўрганлигини важ қилиб иқтисодий судга еткзилган зарарни ва бой берилган фойдалани ундириб бериш тўғрисида мурожаат қилди.