Ventilyasiya xajmining normotiv kattaligini uglerod (IV) oksidining mikdorini xisobga olgan xolda bitta odamga bir soatda
Suvni tekshirish uchun namuna olish
Download 1.67 Mb. Pdf ko'rish
|
gigiena
Suvni tekshirish uchun namuna olish
Namuna fizik-kimyoviy tekshirish uchun toza idishga, bakteriologik tekshirish uchun esa toza steril idishga olinadi. Namuna kimyoviy tekshirish uchun 2—5 1, bakteriologik tekshirish uchun esa 1—2 1 hajmli batometr asbobi yorda-mida olinadi. Namuna olishdan oldin idish kamida 3 marta o'sha suv bilan chayiladi. Namuna daryoning bir necha joyidan: qirg'oqdan, daryo o'rtasidan, suv sathidan 0,5—1 m chuqurlikdan olinadi. Vodoprovod jo'mraklaridan namuna olishda jo'mrakka termik ishlov beriladi, suv 10—15 daqiqa oqqizib qo’yiladi, kamida 500 ml namuna olinadi. Quduqdan namuna olishdan avval suv yaxshilab aralashtiriladi. Namuna olish hujjatida suv qayerdan olingan, tekshirishdan maqsad, ob-havo sharoiti, suvning manbadagi harorati, namuna olish kuni, soati ko'rsatiladi va uni laborant imzosi bilan tasdiqlaydi. Bakteriologik analiz uchun 2 soat, konservatsiya qilinganda esa 6 soat davomida tekshirilishi zarur. Konservatsiya qilish —ammiak hamda suvning oksidlanishini aniqlash uchun 1 1 olingan namuna 2 ml 20% H 2 SO 4 , o'zga qoldiq birikmalarini aniqlash uchun esa har 1 litr suvga 2 ml xloroform qo'shiladi. Qish faslida suvni tekshirish paytigacha, muzlashdan saqlash maqsadida sovuq o'tkazmaydigan narsalar bilan o'rash lozim. Fizik – kimyoviy tekshirish muddati 2 soat, konservatsiya qilingan suv esa 1 kundan oshmasligi zarur. Tekshirishlarning natijasi quyidagicha bayon etiladi. 1. Manbaning nomi va uning joylashgan o'rni. 2. Namuna olingan vaqti (kuni, soati). 3. Sanitariya-topografik tekshirishlar natijasi (suvni ifloslantiruvchi manbalar mavjudligi, aholi hamda uy hayvonlari orasida yuqumli kasalliklar mavjudligi va b.lar.) 4. Keyingi 3 kunli ob-havoning fizikaviy holati. 5. Suvdan qanday maqsadda foydalanilishi. 6. Suvning organoleptik ko'rsatkichlari (rangi, hidi, ta'mi, tiniqligi, quruq qoldig'i, harorati). 7. Sanitariya kimyoviy tekshirish (bug'latib yuborilgandan keyin qolgan zich cho'kma, ammiak, nitrit va nitrat kislotasi, oksidlanishi va xloridlar miqdori, suvning qattiqligi). 8. Sanitariya-bakteriologik tekshirish (koli-titr, koli-indeks, mikroblar soni, suvning kislorodga bo'lgan biokimyoviy talabi KBI (kislorodning biokimyoviy iste'moli). 9. Sanitariya xulosasi. Vaqt o'tishi bilan namuna olingan suvda kuzatiladigan qator o'zgarishlar, jumladan: oksidlanish jarayoni (masalan, organik birikmalar, ammiak, temir va boshqalarning parchalanishi), gazlar chiqishi (masalan, CO 2 , H 2 S va b.), rangining o'zgarishi va shu kabilarni hisobga olgan holda suvda o'tkaziladigan laboratoriya tekshiruvlarini ma'lum darajada bosqichma-bosqich olib borish zarur. Suvning fizik xossasini aniqlashda eng oldin suvning tarkibidagi H 2 S, PH, Fe ++ , Fe +++ , ammiak nitrit, nitrat miqdori, uning oksidlanishi, qattiqligi va oxirida xloridlar miqdorini aniqlash kerak. Download 1.67 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling