Vi bob. Bolalar va о‘smirlarning ratsional ovqatlanishi

9.2. О‘ZBEKISTON RESPUBLIKASINING «DAVLAT SANITARIYA NAZORATI TO‘G‘RISIDA»GI
QONUNI
(1992-yilda qabul qilingan)


Ushbu qonun sanitariya – epidemiya masalalarida aholining xotirjamligini va radiasiya xavfsizligini ta’minlash sohasidagi ijtimoiy munosabatlarni tartibga soladi, odamning qulay atrof muhitga ega bо‘lish huquqini hamda u bilan bog‘liq boshqa huquqlarini va ularni amalga oshirish kafolatlarini mustaxkamlaydi.
Davlat sanitariya nazorati bu sanitariya qonunlarini buzilishini oldini olish, aniqlash va ularga chek qо‘yishga qaratilgan sanitariya – epidemiologiya xizmatining faoliyatidir.


I bо‘limda. Umumiy qoidalar kо‘rsatilgan:


1-modda. О‘zbekiston Respublikasining davlat sanitariya nazorati tо‘g‘risidagi qonunlari
О‘zbekiston Respublikasining sanitariya nazorati tо‘g‘risidagi qonunlari ushbu Qonundan hamda davlat hokimyati va boshqaruvi idoralarining о‘z vakolat doirasida chiqaradigan huquqiy hujjatlardan iboratdir.
2-modda. Sanitariya – epidemiya masalalarida aholining xotirjamligini ta’minlashning asosiy prinsiplari.
Sanitariya – epidemiya masalalarida aholining xotirjamligini ta’minlashning asosiy prinsiplari quyidagilardan iborat: Atrof muhitni sog‘lomlashtirish, ovqatlanishni, mehnat, turmush, dam olish, ta’lim – tarbiya berish sharoitlarini yaxshilashga qaratilgan qonunchilik, sanitariya holatini yaxshilash va epidemiyaga qarshi tashkiliy tadbirlar majmuini amalga oshirish asosida odamning salomatligini saqlash va mustahkamlash huquqlarini kafolatlash;
xalq xо‘jalik obyektlari, texnologiya uskunalarini va asboblarini, transport vositalarini rivojlantirish, joylashtirish, loyihalash, qurish va ishga tushirish chrg‘ida atrof muhit omillari aholi salomatligiga zararli ta’sir kо‘rsatishning oldini olishga qaratilgan faoliyatining ustuvorligini ta’minlash;
aholining sanitariya madaniyati darajasini oshirish; sanitariya xolatini yaxshilash va epidemiyaga qarshi tadbirlar ishlab chiqish va ijtimoiy faoliyatning majburiy qismi siftida amalga oshirish;
mulkchilikning shaklidan qatiy nazar, korxonalar, muassasalar, tashkilotlar, birlashmalar va aloxida shaxslarning sanitariya normalariga, gigiyena normativlariga rioya qilmaslik xamda sanitariyaga doir va epidemiyaga qarshi tadbirlarni amalga oshirmaslik natijasida axolining salomatligi va atrof muxitga yetkazilgan zararning о‘rnini qoplash;
sanitariya normalar, qoidalariga rioya etilishi va sanitariya gigiyena tadbirlari amalga oshirilishi ustidan sanitariya nazoratini amalga oshirish.