Вставка увертюра талаба

ИЛМ ва БОЙЛИК истеҳзоли куладилар: ХА-ХА-ХА!
ИЛМ- Осонгина қутулмоқчимисан?
Бойлик-Нима, сен ўлганинг билан ер тўярмиди?!
Донишмандлик -Сенга билдирилган ишончни шундай оқлайсанми?
Бойлик-Шунчалар ожизмисан?
ИЛМ-Уят эмасми?!
ҲАСАД – ШАР-МАН-ДА-А-А!!!
ТАЛАБА- Сизлар кимсизлар? Бунчалар танқиднинг сабаби нима?
ИЛМ- Мен Илмман!
Донишмандлик -Мен - Донишмандлик.
Бойлик -Мен эса Бойликман!
ИЛМ - Булар ОРЗУ билан МЕҲР. Бу эса, НОМУС - сенинг номусинг. Аёвсиз танқид ҳам, бошингга тушаётган барча кўргуликлар ҳам вақтида менинг этагимдан тутмаганинг учун бўляпти.
Талаба- Ундай дема, этагингдан туганман Илм. Ёшлигимдан... Фақат , қўл калталик қилиб ҳа деб китоб сотиб олаверишга пулимиз бўлмаган.
Бойлик- Эй, қўйсангчи!!! Сен ўзи ёшлигингдан шунақа маҳмадона, баланд дорга осиладиган, ўз билганидан қолмайдиган, ушлаган ерини қўйиб юбормайдиган бўлгансан.
ИЛМ- Албатта сотиб олиб ўқиш шарт эмас-ку китобни. Кутубхона-чи?! А?!
ҲАСАД- Менга қара, ёшлигингда онанг мактабда тушлик қиласан деб берган, музқаймоққа деб берган пулларини йиғиб-йиғиб “рўзғорга ишлатинг”- деб онангга қайтариб берар эдинг-ку! Эсингдан чиқдими?
Талаба-..............
ҲАСАД - Ўша пулларга қанча китоб келар эди?
Талаба.............
ИЛМ- Ана кўрдингми? Сен бўлсанг, эртак китоб ўқиб юравергансан.
ҲАСАД - Шунинг учун ҳам ҳаётни ҳалигача пушти рангда кўрасан.
ИЛМ - Кутубхонага кирсанг ҳам эртак, адашиб биронта китоб сотиб олсанг у ҳам эртак,... Шундан асли бошингда синаётган калтак!
ҲАСАД -Шу ёшга кириб яхши билан ёмонни фарқига бормайсан. Ҳаммани ўзингга ўхшатасан.
БОЙЛИК –Шунчалар ҳам содда бўладими одам?! Нега ҳамма бирдек
бағрингни очасан?
ИЛМ - Ахир бундан фойдаланган нопок кимсалар, шумниятлар, бағрингга илондек судралиб кириб, зулукдек қонингни сўриб, канадек чақишяпди-ку.
Сен эса, билмасликка олиб юраверасан, гўё ҳеч нарса бўлмагандек.