Вставка увертюра талаба

Орзу- Муҳаббат- бу Тоат!
Меҳр- Тоат – бу Ибодат!
Орзу- ИБОДАТ- бу Яратганга итоат!
ИЛМ - Яратганга итоат, бу –
Ўн саккиз минг оламга бўлган муҳаббат!
Орзу-Меҳр- Ўн саккиз минг оламга бўлган муҳаббат- бу,...
Илоҳий Муҳаббат- Дунёни қутқаргувчи муҳаббат!
Дарвеш-Йўлларни мингтаси мақсаддан узоқлаштиради. Фақат биттаси манзилга - мақсадга етказади. Шунинг учун қалбинг доим “Хасталик”ни ихтиёр этсин. Қутқарса шу муҳаббат қутқаради.
Донишмандлик- Маст қилиб минг битта жилоси,
Тугамай мол-дунё ғавғоси,
Авжига минганда қабоҳат,
Дунёни қутқаргай муҳаббат!
Орзу- Беш кунлик бевафо дунёда
Нима бор севгидан зиёда?
Меҳр- Гўзаллик вақтинча - омонат,
Дунёни қутқаргай муҳаббат!
ИЛМ- Ишқ, меҳр—оқибат йўқолса,
Диёнат узлатга йўл олса,
Ишончни емирса хиёнат,
Дунёни қутқаргай муҳаббат!
Донишмандлик- Муҳаббат-Ватанга-тупроққа!
Маҳбубга, дилдорга, ўртоққа!
Қалбларни тарк этса мурувват,
Дунёни қутқаргай муҳаббат!
ТАЛАБА- Хасталик истайди кўнглим! Чунки, хасталик бу муҳаббат!
НОМУС-Ҳа-а, сархуш қилгувчи муҳаббат!
ТАЛАБА - Кел, азизим, ошиқликдан маст бўламиз.
Ошиқларга ўлим йўқ дейишади-ку! Тўғрими?
ТАЛАБА-Тўғри айтасан! (фонда мусиқа бошланади)
Номус - Биз маст бўлсак, муҳаббатдан маст бўламиз.
Гўзалликдан, нафосатдан маст бўламиз.
Т - Яйрашимиз учун шароб керак эмас,
Ёр амрига итоатдан маст бўламиз
МЕҲР - Суҳбатлашиб ўтирганда доно билан,
Тўймай ширин мулоқотдан маст бўламиз.
Т - Интиламиз донишмандлар даврасига,
Улар айтган ривоятдан маст бўламиз.
НОМУС - Сиз май ичиб, бода ичиб юраверинг,
Биз қўрқишиб қиёматдан маст бўламиз.
Т- Ҳофиз қўшиқ куйлаганда тебранишиб,
Авж парда-ю даромаддан маст бўламиз.
НОМУС - Шаробсиз ҳам бандани маст қилар иш кўп,
Ҳисоб вақти хижолатдан маст бўламиз.