Қ/x маҳсулотларини стандартлаштириш ва сертификатлаш

7 Бўлим. Маҳсулотни ишлаб чиқаришни режалаштириш
Ушбу бўлимда жараённи режалаштириш ва махсулот ишлаб чиқариш ёки кўрсатиладиган хизматларга қўйиладиган талаблар келтирилган. Ташкилот махсулотни ишлаб чиқариш учун зарур бӯлган жараёнларни режалаштириши ва ишлаб чиқиши даркор. Ишлаб чиқариш жараёнларини режалаштириш сифат менеджменти тизимини бошқа жараёнларининг талаблари билан мувофиқлаштирилган бӯлиши керак .
Бу бўлимнинг кейинги талаблари – истеъмолчилар билан ўзаро муносабатларни кўзда тутади.
Ташкилот ёки корхона бозорнинг мухим қисмини оддийгина сотиш, ишлаб чиқаришнинг тайёр схемасини ижарага бериш ёки кўрсатиладиган хизматлари билан эгаллаши мумкин. Қолган қисмини эса мустақил равишда махсулот ишлаб чиқиш ёки ишлаб чиқариш жараёни билан эгаллайди.
Стандартнинг муҳим талаби – ташкилотнинг таъминотчиларини қўйилаётган талабларни бажара олиш қобилиятларини баҳолашдир.
ISO 22000 Халқаро стандарти бўйича асосий тушунчалар
Халқаро стандартлаштириш ташкилоти (ISO) 2005 йил августда озиқ-овқат маҳсулотларига мурожаат этувчи, қурилмалар таъминотчилари, идишлар, қадоқлаш, озиқ-овқат қўшимчалари, омухта-ем, ўғитлар ва ҳ.к. ишлаб чиқаришга жалб этилган ихтиёрий корхоналар учун ООМХМТ ISO 22000:2005 халқаро стандартини қабул қилди. Шунингдек, стандарт чакана савдода, ресторан бизнесида, ювиш, дезинфикциялаш, зарар кунандалар билан курашув бўйича чора-тадбирларда, сақлаш, ташиш ва
маҳсулотни тарқатишдаги тарли хил хизматларни кўрсатиш бўйича бизнесда фойдаланиш учун ҳам қўлланилади.
Европа Иттифоқи мамлакатлари учун 2005 йил 1 июлдан кириш компоненталари (хом ашё)дан бошланиб, якуний маҳсулотни истеъмолчига етказишгача технологик занжирнинг аниқ ва равшанлиги мажбурийдир.
Европанинг кўплаб мамлакатларида ва шунингдек, Ўзбекистонда ҳам озиқ-овқат маҳсулотларини ишлаб чиқаришда сифати ва хавфсизлиги талабларини ўрнатувчи миллий стандартлар ва бошқа норматив ҳамда қонуний ҳужжатлар мавжуд.
Ҳозирги кунда Ўзбекистонда сифат менеджменти тизимига талабларни ўрнатувчи O‘z DSt ISO 22000:2010 “Озиқ-овқат маҳсулотлари хавфсизлиги менеджементи тизими. Озиқ-овқат маҳсулотларини яратиш занжирида қатнашувчи ташкилотларга талаблар” стандарти қабул қилинган ва амалга жорий этилган.
Стандартнинг асосий мақсади қишлоқ хўжалиги фермаларидан бошланиб то дўкон савдосигача тугаган озиқ-овқат занжири доирасида озиқ-овқат маҳсулотларининг хавфсизлигини бошқариш глобал уйғунлаштириш бўлиб ҳисобланади.
ISO 22000:2005 – бу стандартлар оиласининг биринчи стандарти бўлиб у ўз ичига қуйидаги ҳужжатларни қамраб олади:
ISO/TS 22004:2005 «Озиқ-овқат хавфсизлиги тизими - ISO 22000:2005 ни қўллаш бўйича қўлланма» бўлиб, у 2005 йил ноябрда нашр этилган.
ISO/TS 22003:2007 «Озиқ-овқат хавфсизлиги тизими - Озиқ-овқат хавфсизлиги тизими сертификатлаштирувчи ва аудит ўтказувчи идоралар учун талаблар». У сертификатлаштириш идорасини аккредитлаштириш бўйича уйғунлаштирилган қўлланма бўлиб, Стандартга мувофиқ Озиқ-овқат хавфсизлиги тизими аудити бўйича қоидаларни аниқлайди. 2006 йилнинг биринчи кварталида нашр этилган.