X seytkamalov, U. Jaksimova
Download 0.56 Mb. Pdf ko'rish
|
Ozbetinshe jumis.met qol.
|
ÓZBETINSHE JUMÍS TÙRLERI HÁM TAYARLAW USÍLLARÍ Ózbetinshe jumıslardı islewde temanı tańlaw hám oǵan tayarlanıw studenttiń imkaniyatın esapqa alǵan halda ámelge asırıladı: 1. Berilgen dizim boyınsha temanı tańlaw student tárepinen erkin ámelge asırıladı. Tıńlawshınıń qálewine kóre kórsetilgen temalardan basqa temanı oqıtıwshı menen kelisken jaǵdayda tańlap alıwı múmkin. 2. Ózbetinshe jumıslar túrlerine qaray eger referat yaki shıǵarma jumısı bolsa qatań joba tiykarında ámelge asırıladı. Ol jaǵdayda jobada qoyılǵan máseleniń tiykarǵı mánisi sáwleleniwi kerek. Sonıń menen birge jumısta anıq ilimiy juwmaq, ámeliy usınıslar, respublikamız ekonomikası ushın paydası tiyetuǵın pikirler bolıwı maqsetke muwapıq bolıp tabıladı. Ózbetinshe jumıstı tayarlaw dawamında baspadan shıqqan kitaplar, qoljazbalar, dáwirlik baspasóz materialları, statistikalıq hám basqa maǵlıwmatlardan paydalanıw kerek. Tayarlawshınıń qálewine kóre jumıs ózbek, orıs, ingliz tillerinde jazılıwı múmkin. Shet elde baspadan shıqqan ádebiyatlardan, internetten paydalanıw jaqsı nátiyje beredi. Jumıstı jazıw dawamında informaciyalıq-resurs orayları, arxivler, muzey, arnawlı fondlar maǵlıwmatlarınan, jumıs tájiriybesinen paydalanıw jaqsı nátiyje beredi. 3. Ózbetinshe jumıstı belgili formada tártipke keltiriw talap etiledi. Onı qolda jazıw mashinası yamasa kompyuterde jazıw múmkin. Barlıq jaǵdayda ózbetinshe jumıs anıq hám izbe-izlik tiykarında tayarlanıwı, oqıw ushın qolay bolıwı zárúr. Qabıl etilgen qısqartpalardan tısqarı barlıq sózler anıq ańlatılıwı kerek. Ózbetinshe jumıs aq qaǵazdıń tek bir tárepine jazılıwı usınıs etiledi hám ekinshi betten baslap betler nomeri (bet) qoyıladı. Jumıstıń ulıwma kólemi bir baspa tabaq (16-20b) bolıwı tiyis. Jumıstaǵı sızılma, diagramma, súwret, keste, foto hám basqa statistikalıq maǵlıwmatlarǵa tártip nomeri belgileniwi hám túsindirme beriliwi kerek. Jumıstıń sońında paydalanılǵan ádebiyatlar álipbe tártibinde beriliwi kerek. Pánniń ózgesheligi, studentlerdiń bilim dárejesi hám qábiletine qaray isshi oqıw baǵdarlamasına kiritilgen óz aldına islengen temalar studentlerge ózbetinshe ózlestiriw ushın tapsırıladı. Bunda temanıń tiykarǵı mazmunın ańlatıw hám ashıp beriwge xızmet etetuǵın tayansh sóz dizbekleri, temanı sistemalı bayanlawǵa xızmet etetuǵın sorawlarǵa itibar qaratıw, tiykarǵı ádebiyatlar hám informaciya dereklerin kórsetiw kerek. Tapsırmanı orınlaw procesinde studentler erkin túrde oqıw ádebiyatlarınan paydalanıp, temanı konspekt isleydi, tayansh sózlerdi túsingen halda temaǵa tiyisli sorawlarǵa juwap tayarlaydı. |
