X seytkamalov, U. Jaksimova

Ózbetinshe jumıstıń jobasın dúziw hám orınlanatuǵın jumıslardı qadaǵalaw 
Kafedranıń tiykarǵı wazıypaları:
Kafedra tárepinen ózbetinshe jumıstı shólkemlestiriwde tómendegi jumıslardı 
ámelge asırıw kerek: 
- ózbetinshe jumıs temaların tastıyıqlaw hám qayta kórip shıǵıw;
- student temanı úyreniwde oǵan kerekli kórsetpeler hám ámeliy járdem beriw;
- studentke ilimiy basshılardı belgilew hám biriktiriw;
- studenttiń jumıstı tayarlaw ushın jobanı tastıyıqlap beriw hám onıń 
wazıypasın orınlawdı qadaǵalaw;
- student tárepinen orınlanǵan jumıstıń sapasına recenziya beriwden ibarat 
boladı. 
Ilimiy basshınıń wazıypaları: 
Studenttiń ilimiy basshısı jumısqa basshılıq etiwde tómendegi wazıypalardı 
orınlawı kerek: 
- student jumıstı orınlawı ushın wazıypanı tastıyıqlap beriw;
- jumıstıń jobasın dúziwde studentke járdem beriw hám ádebiyatlardı usınıs
etiw;
- studenttiń jobasın tastıyıqlawı, joba boyınsha úzliksiz túrde jumıstı tekseriwi, 
másláhátler hám kórsetpeler beriwi;
- student jumısın orınlawda shólkemlestiriwshilik hám metodikalıq baǵdarlar 
berip barıwı. 
Studenttiń wazıypaları: 
Student ózbetinshe jumıstı islew procesinde tómendegilerdi orınlawı kerek: 
- jumıstıń temasın kafedranıń talaplarınan kelip shıqqan halda tańlaw;
- ilimiy basshınıń dúzip bergen jobası tiykarında berilgen tapsırmalardı óz 
waqtında orınlaw;
- belgilengen tártip boyınsha ózbetinshe jumıstıń esabın óz waqtında kafedraǵa 
usınıw kerek. 

---

Studenttiń ózbetinshe jumısın qadaǵalaw kafedrada islep shıǵılǵan keste hám
pánniń texnologiyalıq kartası tiykarında alıp baratuǵın professor-oqıtıwshı 
tárepinen ámelge asırıladı. Studenttiń reyting kórsetkishleri, sonıń ishinde 
ózbetinshe jumısı boyınsha fakultettiń reyting aynasında yamasa arnawlı elektron 
tarmaǵında kórsetip barıladı. Studenttiń ózbetinshe jumısın qadaǵalaw túrleri hám 
onı bahalaw kriteriyaları islep shıǵıladı hám fakultet ilimiy keńesinde 
tastıyıqlanadı. 
Kafedradaǵı pánler boyınsha ózbetinshe jumıslardı bahalaw kriteriyaları 
studentlerge oqıw jılı baslanıwı aldınan metodikalıq materiallar menen birgelikte 
tarqatıladı. Studenttiń ózbetinshe jumıs nátiyjeleri ámeldegi “Joqarı bilimlendiriw 
mákemelerinde studentler bilimin qadaǵalaw hám bahalawdıń reyting sisteması 
haqqındaǵı nızam” tiykarında ámelge asırıladı. 
Kafedradaǵı pánler boyınsha ózbetinshe jumıs temaları hám bahalaw ólshemi 
kafedranıń jıynalısı sheshimine qaray ámelge asırıladı. Pánlerden beriletuǵın 
ózbetinshe jumısları boyınsha ózlestiriw úzliksiz túrde studentler toparlarında, 
kafedra jıynalısları hám fakultet ilimiy keńeslerinde talqılanıp barıladı. Studenttiń 
ózbetinshe jumıs materialları kafedra arxivinde dizimge alınadı hám oqıw jılı 
dawamında saqlanadı. 
Kafedradaǵı pánler boyınsha ózbetinshe jumıslardı tayarlawda pánler 
metodikalıq hám informaciyalıq resurslar menen tolıq támiyinlengen. Studentler 
auditoriya sabaqlarında professor-oqıtıwshılardıń lekciyasın tıńlaydı, mısal hám 
máseleler sheshedi. 
Auditoriyadan tısqarıda student sabaqlarǵa tayarlanadı, ádebiyatlardı konspekt 
isleydi, úy wazıypa retinde berilgen mısal hám máselelerdi sheshedi. Bunnan 
tısqarı ayırım temalardı keńlew úyreniw maqsetinde qoshımsha ádebiyatlardı 
oqıp, referatlar tayarlaydı hám de tema boyınsha testler sheshedi. 
Uyge wazıypalardı orınlaw, qoshımsha sabaqlıq hám ádebiyatlardan jańa
bilimlerdi ózbetinshe úyreniw, kerekli maǵlıwmatlardı izlew hám olardı tabıw 
jolların anıqlaw, internet tarmaqlarınan paydalanıp maǵlıwmatlar toplaw, ilimiy 
dógerek sheńberinde yamasa ǵárezsiz túrde ilimiy dereklerden paydalanıp ilimiy 
maqala hám bayanatlar tayarlaw studentlerdiń sabaqta alǵan bilimlerin 
tereńlestiredi, olardıń erkin pikirlew hám dóretiwshilik qábiletin rawajlandıradı. 
Úy wazıypaların tekseriw hám bahalaw ámeliy sabaq alıp baratuǵın oqıtıwshı 
tárepinen, konspektlerdi hám temanı ózlestiriw dárejesin tekseriw hám bahalaw 
bolsa lekciya sabaqların alıp baratuǵın oqıtıwshı tárepinen hár sabaqta ámelge 
asırıladı. 

---