X seytkamalov, U. Jaksimova

KURS JUMÍSÍ
Kurs jumısı ilimiy jumıs túri bolıp, kópshilik jaǵdaylarda onı jazǵanda 
qánigelik penen baylanıslı dereklerden paydalanamız, sonıǹ menen birge avtorlıq 
pikirler hám juwmaqlar qosıladı.
Studentlerdiǹ kurs jumısın jazıwdan maqseti oqıw ornında jıl dawamında alǵan 
bilim hám kónlikpelerdi bekkemlew, iyelegen bilimler tiykarında jańa bilimlerdi 
anıqlay alıwǵa úyretiw. Yaǵnıy teoriyalıq bilimler tiykarında ilimiy bilimler 
qáliplesiwine kónlikpelerdi qáliplestiriw bolıp tabıladı. 
Kurs jumısı bul kórip shıǵılıp atırǵan obyekttiń hám jámáát tárepinen 
birlestirilgen analitikalıq, esaplaw hám izertlew wazıypaları kompleksi. Kurs 
jumısınıń 
maqseti 
studentlerdiń 
ilimiy-izertlew 
jumıslarında 
tájiriybesin 
qáliplestiriw.
Studentlerde bilim hám kónlikpeler payda etiwi ushın kurs jumısı tómendegishe 
baǵdarlanǵan: 
- studentlerdiń dóretiwshilik hám baylanıs qábiletlerine isenim; 
- wazıypanı orınlawda úzliksiz túrde islew kónlikpeleri. 
Kurs jumısı studentlerdiń rawajlanıwına da járdem beredi: 
- sistemalı pikirlew; 
- intellektuallıq dóretiwshilik; 
- professional jazba hám awızeki til.
Kurs jumısların jazıwdıǹ tiykarǵı basqıshları:
1. Izertlew temasın tańlaw. 
2.Ádebiyatlardı úyreniw, úyrenetuǵın materiallardı tańlaw hám bibliografiyalıq 
sıpatlamanı tayarlaw. 
3. Joba dúziw. 
4. Jobaǵa muwapıq ilimiy jumıstı jazıw. 
5. Ilimiy jumıstıń sırtqı kórinisi. 
6. Jumıstı kórip shıǵıw hám ilimiy basshınıǹ pikirleri hám usınısların orınlaw 
menen tanısıw. 

---

7.Kurs jumısın qorǵaw.
Kurs jumısınıǹ ózgesheligi bul studenttiǹ izertlew qábiletiń kórsetiw bolıp 
tabıladı. Álbette, studentten hesh kim jańa ashılıwlardı kútpeydi, biraq student ele 
de maǵlıwmatlardı analiz etiw qábiletin kórsetip beriw kerek.
Referat hám kurs jumısın jazǵan waqıtta bir zárúrli fakttı esten shıǵarmaw
kerek: ilimiy jumıslar mudamı ámelde bolǵan maǵlıwmatlardı sistemalastıradı, 
sonday-aq kurs jumısı tek ǵana mashqalanı anıqlawǵa emes, bálki onı sheshiwge 
háreket etedi.
Kurs jumısın jazdırıwdan maqset taǹlaǵan kásibi boyınsha bilim alıwdıń belgili 
bir basqıshta barlıq pánlerden alǵan bilimlerin bekkemlew, óz ara baylanıstırıp, 
olardı ulıwmalastırıw. 
Kurs jumısın jazıw da, referat jazıw sıyaqlı temanı 
tańlawdan baslanadı. Kurs jumısı bir neshe jıl dawamında hár qıylı pánlerden 
iyelegen teoriyalıq bilimlerin hám ámeliyatta qáliplestirgen kónlikpelerin bir 
baǵıtqa birlestiriw jolı menen tema saylanadı. 
Kurs jumısın jazǵanda izertlew jumısında zárúr bolǵan bir neshe wazıypanı 
atqaradı. Yaǵnıy dáslep kurs dawamında qánigeligi boyınsha ótilgen arnawlı 
pánlerden alǵan bilimlerin ámeliyatta kompleksli qollanıwǵa úyrenedi. Kurs 
jumısın jazıw barısında student hár qıylı ádebiyatlar menen tanısadı hám olardı 
analizleydi. Sol sebepli onıń ádebiyatlar menen islew kónlikpesi ilimiy tájiriybege 
baǵdarlaydı. Soǹında kurs jumısın jazǵan student óz pikirin basqalarǵa jazba til 
arqalı jetkere alıw kónlikpesin iyeleydi. 
ESSE 
Esse jazıw studentlerge óz pikirin erkin bildiriwge, temaǵa baylanıslı 
maǵlıwmattı sanalı qabıllawǵa hám túsiniwge, mashqalanıń sheshimin tabıwǵa 
baylanıslı dálillerden paydalanıp, óz juwmaǵın anıq hám sawatlı bayan etiwge 
múmkinshilik jaratadı. Áhmiyetlisi, keltirilgen fakt hám dálillerdiń orınlı 
qollanılıwı bolıp tabıladı. 
Esse jazıwda tómendegi talaplarǵa qatań ámel etiledi: 
- jeke kózqarastıń bildiriliwi; 
- tezis - tayanısh sózdi durıs anıqlaw; 
- faktli dáliller (argumentler); 
- teoriyaǵa tiykarlanıw; 
- atamalardı óz ornında qollanıw; 

---

 - citatalar keltiriw; 
- hár qıylı kózqaraslardı mısal keltiriw; 
- logikalıq nızamlıqtıń saqlanıwı; 
- salıstırıw hám juwmaqlaw usıllarınan paydalanıw; 
- sawatlılıq (stilistikalıq, orfografiyalıq, irkilis belgileri); 
- paydalanılǵan ilimiy dereklerge siltemeler. 
Studentlerge tema usınıs etiledi. Hár bir student ózi ushın maqul bir temanı 
tańlap aladı. Studentler saylanǵan tema boyınsha kólemi 250-300 sózden ibarat 
esse jazadı. Jazılǵan esse jumısı studenttiń tańlaǵan temanı túsiniwi, jeke pikir, 
kózqarasın izbe-iz hám dálilli tárizde, sawatlı jazba ayta alıw qábiletin kórsetedi. 
Studentler jumıstı eki túrli usılda: shala hám tolıq nusqada jazadı. Shala nusqa da 
jazba jumıs menen birge tapsırıladı (shala nusqa zárúrlik bolǵanda ǵana 
tekseriledi). 
Esse jazıw dawamında sózliklerden, sabaqlıqlardan hám qosımsha 
ádebiyatlardan paydalanıwǵa ruxsat etilmeydi.