Xiv. Aholining umumiy daromadlari 1- bo‘lim. Aholi umumiy daromadlari tarkibi

3- BO‘LIM. UMUMIY DAROMADLAR TARKIBIDAN, KIC HIK
TADBIRKORLIKDAN OLINGAN DAROMADLAR
2022- yilning yanvar-iyun oylari dastlabki ma’lumotlariga ko‘ra, aholi umumiy daromadlari hajmida kichik tadbirkorlikdan olingan daromadlarning ulushi 55,4 % ni tashkil etdi.
O‘zbekiston Respublikasi Prezidentining 2021- yil 21- apreldagi
“Tadbirkorlikni qo‘llab-quvvatlash tizimini takomillashtirish, ishbilarmonlik

muhitini yanada yaxshilash bo‘yicha qo‘shimcha chora-tadbirlar to‘g‘risidaˮ PQ-5087-sonli qaroriga muvofiq, tadbirkorlik faoliyati bilan
shug‘ullanuvchilarga keng imkoniyatlar yaratib berilmoqda.

Aholi umumiy daromadlari tarkibida kichik tadbirkorlikdan olingan daromadlar
Jizzax (63,6 %), Buxoro (61,9 %), Xorazm (59,5 %), Surxondaryo (59,5 %) va Qashqadaryo
(59,0 %) viloyatlarida sezilarli ulushni egalladi. Toshkent shahri (46,1 %), Navoiy
(46,3 %) viloyatida hamda Qoraqalpog‘iston Respublikasida (47,2 %) 50 % dan kam ulushni tashkil etdi.
Statistik ko‘rsatkichlarga izohlar
Aholining umumiy daromadlari doimiy yoki takrorlanuvchi xususiyatga
ega bo‘lgan, yillik yoki undan kam vaqt oralig‘idagi davrda, uy xo‘jaligi yoki uning alohida a’zolariga tushadigan pul va natura shaklidagi tushumlardan tashkil topadi.
Aholining birlamchi daromadlari ishlab chiqarishdan olingan daromadlar va mol-mulkdan olingan daromadlardan tashkil topadi.
Ishlab chiqarishdan olingan daromadlarga mehnat faoliyatidan olingan daromad va shaxsiy iste’mol uchun ishlab chiqarilgan shaxsiy xizmatlardan olingan daromadlar kiradi.
Mehnat faoliyatidan olingan daromad yollanma ishchilarning va mustaqil ravishda band bo‘lgan aholining daromadidan tarkib topadi.
Yollanma ishchilarning daromadi bu mehnatga haq to‘lashning yashirin (ya’ni, birlamchi va buxgalteriya hisobida aks ettirilmasdan ish beruvchi tomonidan amalga oshirilgan to‘lovlar) qismini qo‘shgan holda pul va natura (tovarlar yoki xizmatlar ko‘rinishida) shaklida mehnatga haq to‘lash ko‘rinishidagi daromadlar.