Xxi-xviii asrlar Ma’ruza rejasi

1. 

  2.

   3. 

  4.

 

 «Semitlar karvoni» freskasi lavhasi. Beni-Hasandagi nomarx Xnumxotep II maqbarasi. XII 

sulola. 

Yovvoyi mushuk. Beni-Hasandagi nomarx Xnumxotep II maqbarasi 

Hosil yig‘imi. Beni-Hasandagi nomarx Xnumxotep II maqbarasi. Mil. av. XXI asr 

Syujetlarning  yanada  haqqoniy  talqinini  Xnumxotep  II  maqbrasidagi 

devoriy suratlarda uchratish mumkin. Ularda oddiy xalqning kundalik hayot tarzi, 

tabiat va hayvonot olamini ifodalagan rassom an’anaviy badiiy kanonlardan chetga 

chiqqan  holda  yangi  syujetlar  yaratgan.  Ayniqsa  kо‘chmanchi  semitlarning  kirib 

kelishiga  bag‘ishlangan  syujetlarning  о‘xshashi  yо‘qdir.  Zamonaviy  Beni-Hasan 

xududida  saqlanib qolgan  nomarx maqbaralari  noyob devoriy suratlar xazinasiga 

aylangan.  

Tabiatning yangicha talqini – uchayotgan va daraxtlarga qо‘ngan qushlar, 

ov  qilayotgan  yovvoyi  mushuklar,  baliq  ovlari  turfa  xil  jonli  vaziyatlarda,  rang 

tuslari  boyligida  namoyon  bо‘ladi.  Mahalliy  nomlardagi  ustalarning  erishgan 

yutuqlari о‘zgarayotgan hayot talablariga shu darajada javob berardiki, u asta-sekin 

rasmiy san’at tomonidan qabul qilindi.  

Fivalik  fir’avnlar  о‘z  hokimiyatini  mustahkamlash  maqsadida 

ibodatxonalar  qurilishiga  katta  e’tibor  berdilar.  Endilikda  ular  о‘z  tasvirlarini 

nafaqat  ibodatxonalarning  ichki  qismida,  shuningdek  tashqi  qismida  ham  imkon 

qadar kо‘proq bо‘lishiga intildilar. Bu kabi haykallar mamlakat xukmdori shuhrati 

va qudratini ulug‘lashi, xalq ongida ularning qiyofasi chizgilarini saqlab qolishi 

kerak  edi.  Bu  haykal-yodgorliklar  portret  о‘xshashlikni  saqlagan  holda,  ba’zida 

ulkan  о‘lchamlar  kasb  etardi.  Mil.  av.  XIX  asrda  yaratilgan  Senusert  III  va 

Amenemxet III ning portret haykallari yangi rasmiy san’atning nodir durdonalari 

sanaladi. Ularning qiyofasidagi qat’iylik, keskinlik maqsadga intiluvchan irodali 

shaxs, shu bilan birga qahri qattiq va о‘ziga bino qо‘ygan inson taassurotini beradi.   

Yuz  ifodasidagi  har  bir  qism,  suyak,  mushaklar,  teri  taxlamlari  alohida 

ishlab chiqilgan. Endi kо‘zlar avvalgidek tekis yuzda emas, balki orbitada chuqur 

joylashgan.  Nur  va  soyalarning  keskin  о‘yini  haykalga  yanada  ifodaviylik 

bag‘ishlab, yangi portret uslubini belgilovchi omil bо‘lib xizmat qilmoqda.  

Senusert III xukmronlik qilgan yillarda mamlakatdagi siyosiy va iqtisodiy 

vaziyat  yaxshilandi.  U  nomarxlarni  о‘ziga  bо‘ysundirishga  erishdi  va  ularga 

davlatdagi yuqori mansablarni berdi. Endilikda  nomarxlar saroyga  yaqinlashishga 

intila boshladilar. Bu vaziyat о‘z о‘rnida badiiy maktablarga ham ta’sir kо‘rsatdi. 

Saroy ustaxonalariga eng mahoratli ustalar tо‘planishi natijasida rasmiy san’at yana 

---

rivojlandi. Mahalliy san’at esa о‘zining avvalgi yetakchilik ahamiyatini yо‘qotib, 

an’analarga qaytgan holda saroy san’atiga taqlid qila boshlaydi. 

Iqtisodiy vaziyatning mustahkamlanishi me’morlik sohasida ham muxim 

о‘zgarishlarga  sabab  bо‘ldi.  Shoh  maqbaralarini  mahobatli  о‘lchamlarda 

yaratishga intilish Xavaradagi Amenemxet III majmuasi qurilishi bilan yakunlandi. 

Xususan,  majmuadagi  ibodatxona  mashhur  bо‘lib,  Gerodot,  Strabon,  Diodor 

Sitsiliyskiy kabi tarixchilar unga hayrat bilan ta’rif berishgan. Ibodatxona bir-biriga 

ulanib  ketgan  murakkab  tarxga  ega  kо‘plab  xonalardan  iborat,  72000  kv.  m. 

maydonni  egallagan.  Bino  kolonnada  bilan  о‘rab  olingan  turli  zal,  tilovatxona, 

koridor  va  xazina  xonalardan  tashkil  topgan.  Kolonnadalar  inshoot  qurilishi  va 

bezagida alohida о‘rin egallab, uning о‘ziga xosligini belgilaydi. Ibodatxona zallari 

uch nefli kompozitsiyada qad kо‘tarib, yon tomondagi neflarga nisbatan markaziy 

nef  baland  bо‘lgan.  Xonalar  bо‘rtma  tasvirlar  va  haykallar  bilan  bezatilgan. 

Bugungi  kunga  qadar  bu  qadar  ulkan  va  mahobatli  ibodatxona  qurilishining 

maqsadi  aniqlanmagan.  Ibodatxona  yaqinida  sariq  rangdagi  yaltiroq  kvarsitdan 

bunyod etilgan, pyedestali bilan 18 m balandlikka ega Amenemxet III ning ikkita 

kolosi (ulkan haykal) majmuaning fir’avn xokimiyatini namoyon etganidan darak 

beradi.  

О‘rta  podsholik  davri  me’morchiligida  kо‘p  sonli  va  turfa  xil  ustunlar 

qatori  ibodatxonalarning  о‘ziga  xos  kо‘rinishini  belgilovchi  omil  sanaladi. 

Avvalroq  vujudga  kelgan  kanelyurali  ustunlar  qatoriga  kapitel  qismi  ma’buda 

Xator boshi bо‘rtmasi bilan bezatilgan kolonnalar qо‘shildi. Kirish darvozalarida 

ikkita  minorali  pilonlarning

1

  paydo  bо‘lishi  ham  ibodaxona  qurilishida  yangilik 

edi.