Я. Маматова, С. Сулайманова

а) газетада; 
б) радиода, 
в) телевидениеда. 
Фикрингизча, турли ОАВда берилган янгилик қандай ва нима учун 
фарқланади? Бу фарқлар ҳар бир ОАВнинг ўзига хослиги билан қанчалик боғлиқ?
Талабаларни беш гуруҳга ажратинг ва улардан қуйидаги медиалардан бири 
учун қисқача янгилик тайёрлашни сўранг: 
1. Радиостанция учун студияда репортер билан; 
2. Ёшлар ташкилотининг Интернет-нашри учун; 
3. Ҳукумат газетаси учун; 
4. Мустақил ОАВ учун; 
5. Маҳаллий ва республика телевидениеси учун. 
Янгиликнинг давомийлиги: радио учун - 40 сониядан; газета учун - 60 
қатордан; телевидение учун эса - 2 дақиқадан ошмаслиги лозим. 
Тайёрланган янгиликларни солиштиринг. Турли медиалардаги янгиликлар 
нимаси билан фарқланади? Медианинг табиати воқеани ёритиш ва тақдим этилган 
ахборот характерига қандай таъсир кўрсатади? Ҳар бир янгиликни тайёрлашда 
қандай код ва услублардан фойдаланилган? 
Баҳо гуруҳларга қўйилади. 
Натижаларни 5 дан 1гача бўлган шкалада баҳолаш (5 - энг юқори баҳо) 
бўйича тавсиялар: 
5: талабалар кўрсатмаларга риоя этган ҳолда, танланган медианинг 
кўринишига мос тарзда янгиликни тайёрлаган. Улар материални муҳокама қилди, 

---

75 
бошқа хабарлар билан солиштирди. Улар янгилик тайёрлаш асосларини эгаллади, 
ҳамда ушбу машқни бажариш жараёнида кўп нарсани ўрганди. 
4: талабалар кўрсатмаларга риоя этган ҳолда танланган медианинг 
кўринишига мос тарзда янгилик тайёрлаган, аммо у батафсилроқ бўлиши ҳам 
мумкин эди. Талабалар хабарни муҳокама қилди, бошқа хабарлар билан 
солиштириб кўрди, янгилик тайёрлаш асосларини эгаллади. 
3: талабалар танланган медианинг кўринишига мос янгиликни тайёрлаган, уни 
муҳокама қилишда иштирок этди, аммо ўз нуқтаи назарларини ишонарли тарзда 
баён эта олмади. Ушбу машқни бажариш ва муҳокама қилиш жараёнида талабалар 
янгилик материаллари тайёрлаш методикаси юзасидан умумий тасаввурга эга 
бўлди. 
2: талабалар танланган медианинг кўринишига у қадар мос бўлмаган 
янгиликни тайёрлаган, материалнинг муҳокамаси юзаки. Машқни бажариш 
давомида кам нарса ўрганилди.