Yil uchun Davlat statistika ishlari dasturining yanvar- dekabr oylarida bajarilishi to‘g‘risida ma’lumot

III. Xalqaro hamkorlik va axborot almashinuvi
Xalqaro tashkilotlar bilan sohani rivojlantirish, ilg‘or tajribalar va zamonaviy 
uslubiy tavsiyalarni amaliyotga joriy etish yuzasidan yaqindan hamkorlik hamda 
mamlakat ko‘rsatkichlarini xalqaro axborot bazalarida aks ettirish yuzasidan axborot 
almashinuvi aloqalari yo‘lga qo‘yildi. 
2021 yilning yanvar-dekabr oylarida xalqaro tashkilotlarning 45 ta 
savolnomalari, jumladan, BMT Statistika bo‘limining 10 ta, BMT Oziq-ovqat va 
qishloq xo‘jaligi tashkilotining 5 ta, BMT Yevropa iqtisodiy komissiyasi statistika 
bo‘limi (BMT YeIK)ning 3 ta, YuNYeSKO statistika institutining 9 ta, Xalqaro 
Elektroaloqa Ittifoqining 2 ta, Osiyo Taraqqiyot Bankining 1 ta, va boshqa xalqaro 
tashkilotlarning 15 ta savolnomalari to‘ldirilib, taqdim etildi.
Bundan tashqari, 2 ta xalqaro ma’lumotlar bazalaridagi, xususan XVJning 
kengaytirilgan Ma’lumotlarni tarqatishning umumiy tizimi doirasida, BMTning 
UNDATA va "COMTRADE", ma’lumotlar bazalarida O’zbekistonning statistik 
ko‘rsatkichlari o‘z vaqtida yangilandi. 
Jumladan, tovarlar savdosi bo‘yicha BMTning “COMTRADE” axborot 
bazasida 4700 ta tovar turlari bo‘yicha O’zbekiston Respublikasi ma’lumotlarini har 
oyda yangilab borilishi ta’minlandi. 
XVJning kengaytirilgan Ma’lumotlarni tarqatishning umumiy tizimi (e-GDDS) 
doirasida 275 ta indikator bo‘yicha ma’lumotlar to‘plamlari har oyda muntazam 
yangilab borilmoqda.
Bundan tashqari, XVJning kengaytirilgan Ma’lumotlarni tarqatishning umumiy 
tizimidan (e-GDDS) Ma’lumotlarni tarqatishning maxsus standartiga (SDDS) o‘tish 
yuzasidan zarur tadbirlar amalga oshirilmoqda.
Hususan, XVJ Statistika departamenti rahbariyati va ekspertlari bilan olib 
borilgan muzokaralar natijasida joriy yilning 1-19 mart kunlari mobaynida masofaviy 
tarzda diagnostik missiya tashkil etildi. Missiya davomida Davlat statistika qo‘mitasi, 
Moliya vazirligi va Markaziy bankning makroiqtisodiy va moliyaviy statistikasining 
holati, amaliyotga so‘nggi xalqaro tavsiyalar va standartlarni joriy etilganligi, tegishli 
statistika ma’lumotlarini tayyorlash va tarqatish amaliyotining Ma’lumotlarni 
tarqatishning maxsus standartining to‘liqlik, davriylik va muntazamlik qoidalariga mos 
kelishi o‘rganildi. 
O’rganish natijalariga ko‘ra 2021-2022 yillar moybaynida amalga oshirilishi 
lozim bo‘lgan tadbirlarni qamrab olgan “Yo‘l xaritasi” va O’zbekiston Respublikasini 
XVJning Ma’lumotlarni tarqatishning maxsus standartiga to‘liq ulanishi bo‘yicha 
grafik ishlab chiqildi. 

---

10