Yo‘nalishi: Notarial arxivlar faoliyati uchun Adliya boshqarmalari huzuridagi idoraviy notarial arxivlar qaysi normativhuquqiy hujjatga asosan tashkil etilgan

 

---

32. Arxiv hujjatlarini saqlashning me’yoriy sharoitlari qanday ta’minlanadi.
Arxiv hujjatlarini saqlashning me’yoriy sharoitlari quyidagilar asosida 
ta’minlanadi: 
arxivlarga mos bino va xonalar ajratish; 
arxiv binolari va xonalarida maqbul (me’yoriy) yong‘inga qarshi, 
qo‘riqlash, harorat va namlik, yorug‘lik, sanitariya-gigiyenik sharoitlar yaratish; 
arxiv hujjatlarini saqlash va joyini o‘zgartirish uchun maxsus vositalarni (stellajlar, 
shkaflar, seyflar, qutilar, papkalar va boshqalarni) qo‘llanish. 
 
33. Arxivni qanday binolarda joylashtirishga yo‘l qo‘yilmaydi.
Arxivni mustahkam bo‘lmagan, yog‘ochdan qurilgan, asosiy, yerto‘la va chordoq 
xonalari zax bo‘lgan, pech yordamida isitiladigan binolarda joylashtirishga yo‘l 
qo‘yilmaydi. Arxiv hujjatlarini saqlash uchun mo‘ljallangan moslashgan 
binolardagi xonalar shu binoning boshqa xonalaridan ajratilgan bo‘lishi kerak. 
Arxiv hujjatlarini umumiy ovqatlanish xizmati, oziq-ovqat omborlari, yong‘in 
chiqish xavfi kuchli bo‘lgan hamda agressiv moddalar yoki yong‘in chiqishi xavfi 
mavjud va kimyoviy texnologiyalar qo‘llaniladigan binolarda joylashtirishga yo‘l 
qo‘yilmaydi. 
34. Adliya boshqarmalari huzuridagi idoraviy notarial arxiv saqlovxonasiga 
kimlar kirish huquqiga ega. 
Arxiv saqlovxonasiga ushbu arxiv saqlovxonasi mudiri va xodimlari, shuningdek 
arxiv rahbari va uning o‘rinbosarlari, fondlarning bosh saqlovchisi kirish huquqiga 
ega. Kerak bo‘lganda yangilanadigan, arxiv saqlovxonasiga kirish huquqiga ega 
shaxslar ro‘yxati qo‘riqlash postida bo‘lishi kerak. Arxivning boshqa xodimlari 
arxiv saqlovxonasiga faqat bo‘lim mudiri yoki uning o‘rnidagi shaxs kuzatuvida 
kiritiladi. Boshqa shaxslar, istisno hollarda, faqat arxiv rahbarining yozma ruxsati 
va bo‘lim mudiri yoki uning o‘rnidagi shaxs kuzatuvida kiritiladi.