Legal reaksiyasi. Quritilgan ajratmaning (yoki glikozidlarning) spirtdagi eritmasiga 2 tomchi piridin, natriy nitroprussidining 5% li suvli eritmasidan 2 tomchi qo’shilsa, suyuqliklar qo’shilgan joyda qizil rang (qizil halqa) hosil bo’ladi. Legal reaksiyasi, asosan tarkibida 5 a’zoli to’yingan lakton (butenolid)
halqasi bo’lgan yurak glikozidlariga kardenolidlarga xosdir.
Raymond reaksiyasi. Glikozidlarning spirtlar eritmasiga dinitrobenzolning spirtdagi 10% li va natriy gidroksidning metil spirtdagi 10% li eritmalari aralashmasidan bir necha tomchi qo’shilsa, tezda ko’k ranga o’tuvchi binafsha rang hosil bo’ladi. Bu reaksiya ham asosan, kardenolidlarga (butenolid halqasi bo’lgan yurak glikozidlari) xosdir.
Rozengeym reaksiyasi. Glikozidlarning xloroformdagi eritmasiga 90% li trixlorsirka kislotadan bir necha tomchi qo’shib qizdirilsa, ko’k yoki qizg’ish
binafsha rang hosil bo’ladi. Bu reaksiya ko’pincha tarkibida 6 a’zoli to’yinmagan lakton (kumolin) halqasi bo’lgan glikozidlar – bufadiyenolidlarga xosdir.
Bale – Neyman (yoki Balljet) reaksiyasi. Glikozidlarning spirtdagi eritmasiga natriy pikratning spirtdagi 1% li va ishqorning 10% li eritmasidan qo’shilsa, to’q sariq rang hosil bo’ladi. Bu reaksiya yordamida tarkibida to’yinmagan lakton halqasi bo’lgan barcha yurak glikozidlarini aniqlash mumkin.
Yurak glikozidlari molekulasidagi lzoksisaxaridlarga xos bo’lgan Keller – Kishone reaksiyasi. Tarkibida temir(II)-xloridning 5% li eritmasidan 2 tomchi bo’lgan 5 ml konsentrlangan sirka kislotada eritilgan 5 – 10 mg glikozid eritmasini probirkaga solib, ustiga oz miqdorda temir(II)- xloridning 5% li eritmasi bo’lgan konsentrlangan sulfat kislotaning 1 – 2 tomchisini asta-sekin probirka devori bilan oqizib turilsa, har ikkala suyuqlik qo’shilgan chegarada yuqori qismi zangori yoki ko’k rangdagi qo’ng’ir halqa hosil bo’ladi.
Do'stlaringiz bilan baham: |
