Ўзбекистон фермер, дехқон хўжаликлари ва томорқа ер эгалари кенгаши ўзбекистон тадбиркорлик ва фермерликни қЎллаб

 
Сабзининг бегона ўтларини химиявий ўтоқ қилиш 
Сабзи экилган майдонларда химиявий ўтоқ ўтказишда бир 
йиллик икки паллали ва бошоқли бегона ўтларга қарши экишгача ёки 
униб чиққунга қадар 50% Гезагард гербицидидан 2-3 кг/га. ёки 33% 
Стомпдан 1-2 л/га. ҳисобида 600 литр сувга аралаштириб пуркаш 
тавсия этилади. 
Сабзини ўсув даврида, яъни 3-4 чингбарг чиқарган даврида бир 
йиллик икки паллали ва бошоқли бегона ўтлар учун 12,5% Фюзилад 
супер гербицидидан 1-2 л/га ёки 20% Набу 1,5-3,5 л/га ҳисобида 
пуркалади. Сабзида кўп йиллик бошоқли экинлар учун 10,4% Зелек 
супер 1,0 л/га ёки 12,5% Фюзилад супер 2,4-4 л/га ҳисобида бегона 
ўтларнинг бўйи 10-15 см. бўлганда сепиш мумкин. 
Ош лавлаги (қизилча) етиштириш 
Лавлагининг биологик хусусиятлари: уруғининг 1000 донаси 
15-25 грамм вазнга эга бўлади. Лавлаги илдиз мевасининг оғирлиги 
400 граммдан 900 граммгача тош босади. Уруғи эса унувчанлигини 5-
7 йилгача сақлайди. Баъзи маълумотларда 8 йилгача сақлайди деб 
айтилган. 

---

Ҳароратга бўлган талаби: лавлаги 4-5 даража илиқ ҳароратда 
уна бошлайди. Шунинг учун тўқсонбости усулида ҳарорат 1-2 даража 
илиққа тушгандагина экиш бошланади. Баҳорда янги униб чиққан 
ниҳоллар -2 даража совуққа, каттароқ бўлганда эса -3 даража совуққа 
бардош беради.
Навлари: МДҲ давлатлари ҳудудларида эртанги, ўртанги ва 
кечки навларининг 14 та нави экилади.
Бизнинг шароитимизга тўқсонбости усулида экиш учун хўраки 
лавлагининг Бордо-237, Подзимняя А-474, Бикорес навлари кўпроқ 
мос келади. 
Подзимная А-474 нави кузда экилиб, эрта баҳорда эртаги ҳосил 
олинади. Илдиз мевасининг оғирлиги 210-370 грамм. 
Северный шар К-250 нави ҳам кузда экишга яроқли. Меваси 
тўқ қизил. Илдиз мевасининг оғирлиги 150-350 грамм.